കായിക താരങ്ങളെ ശാക്തീകരിക്കാൻ അയേൺമാൻ 70.3 ഗോവ 2024-മായി പങ്കാളിത്തമുണ്ടാക്കി ഹെർബാലൈഫ് ഇന്ത്യ

ഗോവ: പ്രമുഖ ആരോഗ്യ, ക്ഷേമ കമ്പനിയും, കമ്മ്യൂണിറ്റി, പ്ലാറ്റ്ഫോമുമായ ഹെർബാലൈഫ് അയേൺമാൻ 70.3 ഇന്ത്യയുമായി തുടർച്ചയായ മൂന്നാം വർഷവും പങ്കാളിത്തത്തിലേർപ്പെടുന്നതായി പ്രഖ്യാപനം. പ്രീമിയം സ്പോർട്സ് പോഷകങ്ങളിലൂടെ കായിക താരങ്ങളുടെ പ്രകടനത്തെ പിന്തുണയ്ക്കുന്നതിൽ ഹെർബാലൈഫിനുള്ള പ്രതിബദ്ധതക്ക് അടിവരയിടുകയാണ് ഈ കരാർ.

ലോക ട്രയാത്‌ലൺ കോർപ്പറേഷനുമായി (ഡബ്ലിയുടിസി) അഫിലിയേറ്റ് ചെയ്തിരിക്കുന്ന പ്രമുഖ ദീർഘദൂര ട്രയാത്‌ലൺ പരിപാടിയാണ് അയേൺമാൻ 70.3. മൊത്തം 113കിലോമീറ്റർ ദൂരമാണ് ഈ മത്സരത്തിൽ കവർ ചെയ്യുന്നത്. ഇതിൽ 1.9 കിലോമീറ്റർ നീന്തലും 90 കിലോമീറ്റർ ബൈക്ക് റൈഡും 21.1 കിലോമീറ്റർ ഓട്ടവുമാണ് ഉൾപ്പെടുന്നത്. ഗോവയിലാണ് മത്സരം നടക്കുക.

മത്സരവേളയിൽ കായിക താരങ്ങൾക്ക് പോഷകങ്ങളിലൂടെ പിന്തുണ നൽകുകയാണ് ഹെർബാലൈഫിന്റെ ലക്ഷ്യം. പരമാവധി പ്രകടനം കാഴ്ച്ചവയ്ക്കാൻ ആവശ്യമായതും നിർജ്ജലീകരണത്തിൽ നിന്നും ആശ്വാസം നൽകുന്നതുമായ ഉൽപ്പന്നങ്ങൾ കായിക താരങ്ങൾക്ക് ലഭിക്കുന്നു എന്ന് ഇതിലൂടെ ഉറപ്പാക്കും. ആരോഗ്യം, ക്ഷേമം എന്നിവയോടുള്ള സമഗ്രമായ സമീപനത്തിന്റെ ഭാഗമായി വ്യായാമത്തെ പ്രോത്സാഹിപ്പിക്കുക എന്ന ലക്ഷ്യമാണ് ഹെർബാലൈഫിന് ഉള്ളത്.

അയേൺമാൻ 70.3 ഇന്ത്യയുമായി തുടർച്ചയായി സഹകരണം ഉണ്ടാക്കുവാൻ കഴിഞ്ഞത് തങ്ങൾക്ക് ഏറെ അഭിമാനം നൽകുന്നതാണെന്ന് ഹെർബാലൈഫ് ഇന്ത്യയുടെ സെയിത്സ്, മാർക്കറ്റിങ്ങ് വൈസ് പ്രസിഡന്റും അസോസിയേറ്റ് കമ്മ്യൂണിക്കേഷൻസുമായ പാഞ്ചാലി ഉപാദ്ധ്യായ പറഞ്ഞു. ജീവിതങ്ങളെ ഉന്നതിയിലേക്ക് നയിക്കുവാനും സമൂഹങ്ങൾക്കിടയിൽ പരസ്പരബന്ധം സൃഷ്ടിക്കുവാനുമുള്ള സ്പോർട്സിന്റെ പരിണാമപരമായ കരുത്തിൽ ഹെർബാലൈഫ് വിശ്വസിക്കുന്നു. കായിക താരങ്ങളെ പിന്തുണയ്ക്കുകയും വ്യക്തികളെ ശാക്തീകരിക്കുകയും ചെയ്യുന്നതിനുള്ള ഞങ്ങളിലെ ആവേശമാണ് മുന്നോട്ട് നയിക്കുന്നത്. കായിക താരങ്ങളുടെ പരിശീലനത്തിൽ മാത്രമല്ല, ആരോഗ്യവും ക്ഷേമവും നിലനിർത്തുവാനുള്ള അവരുടെ മൊത്തത്തിലുള്ള യാത്രയിലും അവർക്ക് പിന്തുണ നൽകുക ഞങ്ങളുടെ ലക്ഷ്യമാണെന്നും അദ്ദേഹം കൂട്ടിച്ചേർത്തു.

അയേൺമാൻ 70.3 ഗോവയുമായുള്ള ഹെർബാലൈഫിന്റെ ദീർഘകാലമായുള്ള പങ്കാളിത്തം സ്പോർട്സിനോടും കായിക താരങ്ങളെ മികച്ച രീതിയിൽ പ്രകടനം കാഴ്ച്ചവയ്ക്കാൻ സഹായിക്കുന്നതിന് സ്പോർട്സ് പോഷകങ്ങൾ നൽകുന്നതിനുമുള്ള ഹെർബാലൈഫിന്റെ പ്രതിബദ്ധതയുടെ ദൃഷ്ടാന്തമാണെന്ന് അയേൺമാൻ ബ്രാൻഡ് ഇന്ത്യയുടെ ഫ്രാഞ്ചൈസി ഉടമസ്ഥനും യോസ്‌ക സിഇഒയുമായ ദീപക് രാജ് വ്യക്തമാക്കി. അയേൺമാൻ 70.3 ഗോവ പോലുള്ള ആഗോള തലത്തിൽ പ്രശസ്തമായ പരിപാടികളുമായുള്ള അവരുടെ പങ്കാളിത്തം സ്പോർട്സ് പ്രേമികളെ പിന്തുണയ്ക്കുവാനുള്ള ഇരുകൂട്ടരുടേയും പ്രതിബദ്ധത ഉയർത്തിക്കാട്ടുന്നു. അയേൺമാൻ 70.3 ഗോവയുമായുള്ള പങ്കാളിത്തത്തിന് ഹെർബാലൈഫിന് നന്ദി രേഖപ്പെടുത്തുവാൻ ആഗ്രഹിക്കുന്നുവെന്നും അദ്ദേഹം വ്യക്തമാക്കി.

150-ലധികം കായിക താരങ്ങളേയും ടീമുകളേയും ലീഗ് മത്സരങ്ങളേയും ആഗോള തലത്തിൽ സ്പോൺസർ ചെയ്യുന്ന ഹെർബാലൈഫ് ഇവർക്ക് അവരുടെ പരിശീലനത്തിന്റെ എല്ലാ ഘട്ടങ്ങളിലും മത്സരവേളകളിലും ഒരുപോലെ നിലവാരമുള്ള സ്പോർട്സ് പോഷക ഉൽപ്പന്നങ്ങൾ നൽകി കൊണ്ട് പിന്തുണയ്ക്കുന്നു. ഇന്ത്യയിൽ ഹെർബാലൈഫ് വിരാട് കോഹ്ലി (ക്രിക്കറ്റ്), സ്മൃതി മന്ദാന (ക്രിക്കറ്റ്), ലക്ഷ്യാ സെൻ (ബാഡ്മിന്റൺ), മനിക ബത്ര (ടേബിൾ ടെന്നീസ്), മേരി കോം (ബോക്സിങ്ങ്), പാരാ ബാഡ്മിന്റൺ കളിക്കാരൻ പാലക് കോഹ്ലി എന്നിങ്ങനെയുള്ള കായിക താരങ്ങളെ തുടർന്നും പിന്തുണച്ചു വരികയാണ്. ഇന്ത്യൻ ഒളിമ്പിക്സ്, സ്പെഷൽ ഒളിമ്പിക്സ്, കോമൺ വെൽത്ത് ടീമുകൾ, ഐപിഎൽ, പ്രോ കബഡി, അയേൺമാൻ 7.3 ഗോവ 2024 തുടങ്ങി പ്രമുഖ ടീമുകളേയും കായിക മത്സരങ്ങളേയും എല്ലാം തന്നെ ഹെർബാലൈഫ് പിന്തുണച്ചു വരുന്നു.