കൊൽക്കത്ത : മയക്കുമരുന്ന് കുത്തിവച്ച് രോഗിയെ ബലാത്സംഗം ചെയ്ത കേസിൽ ഡോക്ടറെ അറസ്റ്റ് ചെയ്ത് പോലീസ്. പശ്ചിമ ബംഗാളിലെ നോർത്ത് 24 പർഗാനാസ് ജില്ലയിലാണ് സംഭവം.
ചികിത്സക്കായി ഡോക്ടറെ കാണാൻ പോയതായിരുന്നു യുവതി. ഒരു കുത്തിവയ്പ്പ് എടുക്കാൻ അവളോട് ആവശ്യപ്പെട്ടു. ആദ്യം കുത്തിവയ്പ്പ് എടുക്കാൻ തയ്യാറായില്ല. എന്നാൽ ഡോക്ടർ യുവതിയെ കുത്തിവെയ്ക്കാൻ നിർബന്ധിക്കുകയായിരുന്നു
അതിനുശേഷം യുവതി ബോധരഹിതയാവുകയായിരുന്നു. പിന്നീട് ബോധം തിരിച്ചുകിട്ടിയപ്പോഴാണ് താൻ ബലാത്സംഗത്തിനിരയായന്ന് മനസ്സിലായത്. ബലാത്സംഗം ചെയ്യുകയും തന്റെ സ്വകാര്യ ചിത്രങ്ങൾ എടുക്കുകയും ചെയ്തു. ആ ഫോട്ടോകൾ കാണിച്ച് തന്നെ ബ്ലാക്ക് മെയിൽ ചെയ്യുകയും ചെയ്തു. പ്രതി ആവശ്യപ്പെട്ട നാല് ലക്ഷം രൂപ നൽകിയില്ലെങ്കിൽ തന്റെ സ്വകാര്യ ഫോട്ടോകൾ സോഷ്യൽ മീഡിയയിൽ വൈറലാക്കുമെന്ന് ഡോക്ടർ ഭീഷണിപ്പെടുത്തിയതായി യുവതി ആരോപിച്ചു.
ഹസ്നാബാദ് പ്രദേശത്തെ വീട്ടിൽ യുവതി തനിച്ചാണെന്നും ഭർത്താവ് പുറത്താണ് എന്നും പോലീസ് പറഞ്ഞു. ഇരയായ യുവതി പിന്നീട് തന്റെ ഭർത്താവിനോട് തനിക്ക് നേരിട്ട ദുരനുഭവം പറയുകയായിരുന്നു. പിന്നീടാണ് പോലീസിൽ പരാതി നൽകിയത്.
ഡോക്ടർ ബ്ലാക്ക്മെയിൽ ചെയ്തതിനെ തുടർന്ന് ഭാര്യ ആത്മഹത്യ ചെയ്യാൻ ശ്രമിച്ചു എന്ന് ഭർത്താവ് പറഞ്ഞു . യുവതിയുടെ പരാതിയുടെ അടിസ്ഥാനത്തിൽ ഡോക്ടർക്കെതിരെ കേസ് രജിസ്റ്റർ ചെയ്യുകയും അയാളെ അറസ്റ്റ് ചെയ്യുകയും ചെയ്തു.
Discussion about this post