വാട്‌സ്ആപ്പ് നമ്പർ ഹാക്ക് ചെയ്ത് പണം തട്ടുന്ന സംഘത്തെ കുറിച്ച് ജാഗ്രതാ നിർദേശവുമായി പോലീസ്. ഒരാളുടെ വാട്‌സ്ആപ്പ് ഹാക്ക് ചെയ്യുകയും ഇതിലെ എല്ലാം കോൺടാക്റ്റുകൾക്ക് മെസേജ് അയച്ച് ഹാക്ക് ചെയ്യുന്നതാണ് ഇതിന്റെ രീതി. വാട്‌സ്ആപ്പിലേക്ക് ഒരു ആറക്ക നമ്പർ വന്നിട്ടുണ്ടാകും . അത് ഒന്ന് പറഞ്ഞ് തരുമോ എന്ന് പറഞ്ഞാണ് ഹാക്കിംഗിന്റെ ആദ്യം പടി. അടുത്തു പരിചയമുള്ള ഏതെങ്കിലും അംഗത്തിന്റെ പേരിൽ ആകും അഭ്യർത്ഥന എന്നതിനാൽ പലരും ഇതിനു തയ്യാറാകുന്നു . നമ്പർ പറഞ്ഞ് കൊടുക്കുന്നതിലൂടെ നിങ്ങളുടെ വാട്‌സ്ആപ്പ് ഹാക്ക് ചെയ്യപ്പെടുന്നു.
വാട്‌സ്ആപ്പ് മുഖേന പങ്കുവയ്ക്കപ്പെടുന്ന പേഴ്‌സണൽ മെസേജുകളിലേക്കും, ചിത്രങ്ങൾ, വീഡിയോ എന്നിവയിലേക്ക് എല്ലാം തട്ടിപ്പുകാർക്ക് ആക്‌സസ് ലഭിക്കുന്നതാണ് . തട്ടിപ്പ് തിരിച്ചറിഞ്ഞ് ഇര തന്റെ വാട്‌സ്ആപ്പ് ഹാക്ക് ചെയ്തു എന്ന് മുന്നറിയിപ്പ് മെസ്സേജ് ഗ്രൂപ്പുകളിലും പരിചയക്കാർക്കും ഷെയർ ചെയ്താലും ഈ മെസ്സേജ് തട്ടിപ്പുകാർ തന്നെ ഡിലീറ്റ് ചെയ്യുന്നു .
പരിചയക്കാർ ആയാലും അപരിചിതരിൽ നിന്നും ഉൾപ്പെടെ ഒ ടി പി നമ്പറുകൾ പറഞ്ഞുകൊടുക്കണമെന്ന് ആവശ്യവുമായി വരുന്ന മെസ്സേജുകൾക്ക് ഒരു കാരണവശാലും മറുപടി നൽകരുത് എന്ന് പോലീസ് നിർദേശിക്കുന്നു. കൂടാതെ വാട്‌സാപ്പിലെ ടൂ സ്റ്റെപ് വെരിഫിക്കേഷൻ ആക്റ്റീവ് ആക്കി വയ്ക്കണമെന്നും പോലീസ് നിർദേശിച്ചു .
Discussion about this post