ബംഗളൂരു: ചൂരൽമല മുണ്ടകൈ ദുരന്ത ബാധിതര്ക്ക് വീടുകൾ വച്ച് നല്കാമെന്ന് കര്ണാടക സര്ക്കാര് വാഗ്ദാനം നല്കിയിട്ടും കേരള സര്ക്കാരിൽ നിന്ന് ഇതുവരെയും മറുപടി ലഭിച്ചില്ലെന്ന് കര്ണാടക മുഖ്യമന്ത്രി സിദ്ധരാമയ്യ. ഇതുസംബന്ധിച്ച് കേരള മുഖ്യമന്ത്രി പിണറായി വിജയന് സിദ്ധരാമയ്യ കത്തയച്ചു. സര്ക്കാരിന് വാഗ്ദാനം നല്കിയെങ്കിലും ഇക്കര്യത്തില് നാളിതുവരെയായിട്ടും മറുപടി ലഭിച്ചിട്ടില്ല. അതിനാല് തന്നെ പദ്ധതി നടപ്പാക്കാൻ കഴിയാത്ത സാഹചര്യമാണുള്ളതെന്നും അദ്ദേഹം വ്യക്തമാക്കി.
ഇപ്പോഴും വീട് നിര്മിക്കാനുള്ള സ്ഥലം പണം കൊടുത്ത് വാങ്ങാനും നിര്മാണം നടത്താനും കര്ണാടക സര്ക്കാര് തയ്യാറാണെന്നും കത്തിൽ സിദ്ധരാമയ്യ വ്യക്തമാക്കി. വയനാട് പുനരധിവാസ പദ്ധതിയുടെ ഭാഗമായി 100 വീടുകള് വച്ച് നൽകാമെന്ന് കര്ണാടക സര്ക്കാര് അറിയിച്ചിരുന്നുവെന്ന് കത്തിൽ സിദ്ധരാമയ്യ വ്യക്തമാക്കുന്നു.
കേരള ചീഫ് സെക്രട്ടറി തലത്തിലും വിഷയം സംസാരിച്ചിരുന്നു. വാഗ്ദാനം നടപ്പാക്കാൻ ഇപ്പോഴും തയ്യാര് ആണെന്നും കത്തിൽ അദ്ദേഹം ചൂണ്ടികാട്ടി.
Discussion about this post