ന്യൂയോർക്ക്: ഒരിടവേളയ്ക്ക് ശേഷം ഭൂമിയിലെ ലക്ഷ്യമിട്ട് ഭീമൻ ഛിന്നഗ്രഹങ്ങൾ പാഞ്ഞടുക്കുന്നു. നാസയിലെ ഗവേഷകരാണ് ഇതുമായി ബന്ധപ്പെട്ട മുന്നറിയിപ്പ് പുറപ്പെടുവിച്ചത്. വരും മണിക്കൂറുകൾ ഏറെ നിർണായകം ആണെന്നും ഗവേഷകർ വ്യക്തമാക്കുന്നു.
2024 എക്‌സ്‌വൈ 5, 2024 എക്‌സ്ബി 6 എന്നിങ്ങനെയാണ് ഭൂമിയെ ലക്ഷ്യമിട്ട് നീങ്ങുന്ന ഛിന്നഗ്രഹങ്ങൾക്ക് പേര് നൽകിയിരിക്കുന്നത്. വൈകീട്ടോടെ ഇവ ഭൂമിയിക്ക് തൊട്ടരികിലായി എത്തും. ഭൂമിയിൽ ഇവ പതിയ്ക്കാനുള്ള സാദ്ധ്യതയുണ്ട്. അതിനാൽ അതീവ ജാഗ്രതയിലാണ് ഗവേഷകർ ഛിന്നഗ്രഹങ്ങളുടെ സഞ്ചാരം നിരീക്ഷിക്കുന്നത്.
2024 എക്‌സ്‌വൈ 5യ്ക്ക് 71 അടിയാണ് വലിപ്പം. ഒരു വലിയ വിമാനത്തിന്റേതിന് സമാനമാണ് ഇത്. മണിക്കൂറിൽ 10,805 കിലോമീറ്റർ ആണ് ഇതിന്റെ വേഗത. ഭൂമിയിൽ നിന്നും 2,180,000 മൈൽസ് അകലെയായിട്ടാകും ഛിന്നഗ്രഹം കടന്ന് പോകുക എന്നാണ് പ്രതീക്ഷിക്കുന്നത്. എന്നാൽ ഇതിന്റെ സഞ്ചാര ദിശയിൽ മാറ്റം ഉണ്ടായാൽ ഭൂമിയെ ബാധിച്ചേക്കാം.
2024 എക്‌സ്ബി 6 മണിക്കൂറിൽ 23,787 കിലോ മീറ്റർ വേഗതയിൽ ആണ് സഞ്ചരിക്കുന്നത്. 56 അടിയാണ് ഈ ഛിന്നഗ്രഹത്തിന്റെ വലിപ്പം. ഭൂമിയിൽ നിന്നും 6,690,000 കിലോ മീറ്റർ അകലത്തിലൂടെ ഈ ഛിന്നഗ്രഹം കടന്ന് പോയേക്കാം.
