മുംബൈ: ഗേറ്റ് വേ ഓഫ് ഇന്ത്യക്ക് സമീപം മുംബൈ തീരത്ത് യാത്രാ ബോട്ടും നാവികസേനയുടെ സ്പീഡ് ബോട്ടും കൂട്ടിയിടിച്ചുണ്ടായ അപകടത്തില് 13 പേര്മരിച്ചു. സ്പീഡ് ബോട്ടിടിച്ച് തകര്ന്ന യാത്ര ബോട്ടില് നുറിലധികം പേരുണ്ടായിരുന്നു. 101 പേരെ രക്ഷപ്പെടുത്തിയതായും മഹാരാഷ്ട്ര മുഖ്യമന്ത്രി അറിയിച്ചു. രക്ഷപ്പെട്ടവരില് ചിലര് അതീവഗുരുതരാവസ്ഥയിലാണെന്നാണ് വിവരം. എലഫന്റാ ദ്വീപിലേക്ക് പോയ ബോട്ടാണ് കൂട്ടിയിടിച്ച് മുങ്ങിയത്. ബുധനാഴ്ച വൈകീട്ട് നാലുമണിയോടെ നീല്കമല് എന്ന യാത്ര ബോട്ടില് ആറുപേര് സഞ്ചരിച്ചിരുന്ന നാവികസേനയുടെ സ്പീഡ് ബോട്ട് കൂട്ടിയിടിച്ചതിനെത്തുടര്ന്നാണ് അപകടം.
സ്പീഡ് ബോട്ട് നിയന്ത്രണംവിട്ടാണ് യാത്ര ബോട്ടിലേക്ക് ഇടിച്ചുകയറിയതെന്ന് നാവികസേന അറിയിച്ചു. . നാവികസേനയുടെ ബോട്ടിന്റെ എഞ്ചിന് അടുത്തിടെ മാറ്റുകയും പുതിയ എഞ്ചിന് സ്ഥാപിക്കുകയും ചെയ്തിരുന്നു. ഇതിനെ സംബന്ധിച്ചുള്ള പരിശോധന നടത്തുമ്പോള് നിയന്ത്രണംവിട്ടാണ് അപകടമുണ്ടായതെന്നാണ് വിവരം. നാവികസേനയുടെ ബോട്ടില് 2 നാവികസേനാംഗങ്ങളും എന്ജിന് വിതരണം ചെയ്ത സ്ഥാപനത്തിലെ 4 അംഗങ്ങളും ഉള്പ്പെടെ 6 പേര് ഉണ്ടായിരുന്നതായും അധികൃതര് അറിയിച്ചു.
സംഭവസ്ഥലത്ത് രക്ഷാപ്രവര്ത്തനം പുരോഗമിക്കുകയാണ്. ഇന്ത്യന് നാവികസേനയും കോസ്റ്റ് ഗാര്ഡും മത്സ്യത്തൊഴിലാളികളും രക്ഷാപ്രവര്ത്തനത്തില് പങ്കെടുക്കുന്നുണ്ട്., 11 നാവികസേനാ ബോട്ടുകളും മറൈന് പോലീസിന്റെ മൂന്ന് ബോട്ടുകളും കോസ്റ്റ് ഗാര്ഡിന്റെ ഒരു ബോട്ടും പ്രദേശത്ത് വിന്യസിച്ചതായി ഒരു പ്രതിരോധ ഉദ്യോഗസ്ഥന് പറഞ്ഞു. നാലുഹെലികോപ്റ്ററുകളും രക്ഷാപ്രവര്ത്തനത്തില് പങ്കെടുക്കുന്നുണ്ട്. ടിക്കറ്റ് നല്കാത്തതിനാല് യാത്ര ബോട്ടില് ഉണ്ടായിരുന്ന കുട്ടികളുടെ എണ്ണം സംബന്ധിച്ച് അവ്യക്തത നിലനില്ക്കുന്നുണ്ട്.
Discussion about this post