നന്നായി ആസ്വദിച്ചിരിക്കുന്ന സ്റ്റേജ് ഷോകൾക്കിടയിലോ സംഗീത കച്ചേരിക്ക് ഇടയിലോ ഉദ്വേഗം നിറഞ്ഞ ഒരു സിനിമ കാണുന്നതിനിടയിലോ മൂത്രശങ്ക വന്നാൽ എന്തു ചെയ്യും? ആസ്വാദനം എല്ലാം നിർത്തി ശൗചാലയം തേടി ഓടേണ്ട ആ അവസ്ഥ ഉണ്ടാവാതിരിക്കാന് മികച്ച ഒരു ഉൽപ്പന്നം പുറത്തിറക്കിയിരിക്കുകയാണ് കിംബർലി-ക്ലാർക്ക് എന്ന അമേരിക്കൻ കമ്പനി. സംഗതി ഒരു അഡൾട്ട് ഡയപ്പർ ആണ്. പക്ഷേ ഇത് വെറുമൊരു ഡയപ്പർ അല്ല ലുക്ക് കണ്ടാൽ തന്നെ ആരും ഒന്ന് വാങ്ങി പോകുന്ന ഈ കിടിലൻ ഉൽപ്പന്നത്തിന് വെറും ആറായിരം രൂപ മാത്രമാണ് വിലയുള്ളത്.
പാനീയ കമ്പനിയായ ലിക്വിഡ് ഡെത്തും കിംബർലി-ക്ലാർക്ക് ബ്രാൻഡായ ഡിപെൻഡും സംയുക്തമായി പുറത്തിറക്കിയിട്ടുള്ള സംരംഭമാണ് പിറ്റ് ഡയപ്പർ എന്ന പേരിലുള്ള ഈ അഡൾട്ട് ഡയപ്പറുകൾ. സാധാരണ നമ്മുടെ നാട്ടിൽ ഒരു അഡൾട്ട് ഡയപ്പറിന് 100 രൂപയോളം ആണ് വില വരുന്നത്. കിംബർലി-ക്ലാർക്ക് നേരത്തെ പുറത്തിറക്കിയിട്ടുള്ള അഡൾട്ട് ഡയപ്പറുകൾക്ക് 250 മുതൽ 600 രൂപ വരെയായിരുന്നു വില ഉണ്ടായിരുന്നത്. അതിനിടയാണ് ഇത്തരം ഒരു വ്യത്യസ്ത ചിന്തയുമായി കമ്പനി പിറ്റ് ഡയപ്പർ പുറത്തിറക്കിയിരിക്കുന്നത്.
മ്യൂസിക് കൺസേർട്ടുകളിൽ സംഗീത ആസ്വാദകർക്ക് ഏറ്റവും ബുദ്ധിമുട്ടുള്ള ഒരു കാര്യമാണ് മൂത്രശങ്ക എന്നുള്ളത്. വാഷ് റൂമുകളിലെ നീണ്ട വരികളും അന്തരീക്ഷവും ഒക്കെ ബുദ്ധിമുട്ട് ആകുന്നവർക്ക് ഉള്ള ഒരു മികച്ച പരിഹാരമാണ് പിറ്റ് ഡയപ്പർ എന്നാണ് കമ്പനിയുടെ അവകാശവാദം. സംഗീതജ്ഞൻ ബെൻ കോളർ അഭിനയിച്ച പിറ്റ് ഡയപ്പറിന്റെ പരസ്യ വീഡിയോയും ഇതിനകം തന്നെ വൈറലായി കഴിഞ്ഞിരിക്കുകയാണ്. തങ്ങളുടെ ഈ പുതിയ ഉൽപ്പന്നവും ഇതേ രീതിയിൽ വൈറലാകും എന്നാണ് കമ്പനി വിശ്വസിക്കുന്നത്.
Discussion about this post