തിരുവനന്തപുരം: തലസ്ഥാനത്ത് പ്ലസ് ടു വിദ്യാർത്ഥിക്ക് കുത്തേറ്റു. പൂവച്ചൽ സ്കൂളിലെ വിദ്യാർത്ഥി അസ്ലമിന് ആണ് കുത്തേറ്റത്. പൂവച്ചൽ ബാങ്ക് നട ജംഗ്ഷനിൽ വച്ചാണ് സംഭവം.
അതേ സ്കൂളില്‍ തന്നെയുള്ള പ്ലസ് വൺ വിദ്യാർത്ഥികളാണ് അസ്ലമിനെ കുത്തിപ്പരിക്കേൽപ്പിച്ചത്. ഗുരുതരമായി പരിക്കേറ്റ അസ്ലമിനെ സ്വകാര്യ ആശുപത്രിയിൽ പ്രവേശിപ്പിച്ചു.
ഒരു മാസം മുമ്പ് പ്ലസ് വൺ, പ്ലസ് ടു വിദ്യാർത്ഥികൾ തമ്മിലുണ്ടായ തർക്കമാണ് ആക്രമണത്തിന് കാരണം. ഇതിന്റെ തുടർച്ചയായാണ് ഇന്ന് വിദ്യാർത്ഥികൾ ഏറ്റുമുട്ടിയത്. നാല് പേർ ചേർന്ന് പ്ലസ് ടു വിദ്യാർഥികളെ ആക്രമിക്കുകയായിരുന്നു.
അസ്ലമിന്റെ ശരീരത്തിൽ ആഴത്തിൽ കുത്തേറ്റിട്ടുണ്ട്. സംഭവത്തിൽ പോലീസ് അന്വേഷണം നടത്തിവരികയാണ്.
Discussion about this post