ബെംഗളൂരു: തെലങ്കാനയിലെ വിതരണം കിങ്ഫിഷര്‍, ഹെയ്നകന്‍ ബിയറുകള്‍ നിര്‍ത്തുന്നതായി റിപ്പോര്‍ട്ട്. ഹൈദരാബാദിലുള്‍പ്പെടെ തെലങ്കാനയില്‍ ബിയര്‍ വിതരണം നിര്‍ത്തുന്നുവെന്ന് നിര്‍മാതാക്കളായ യുണൈറ്റഡ് ബ്രൂവറീസ് അറിയിച്ചിരുന്നു. നികുതി വര്‍ധനയ്ക്ക് പിന്നാലെ അതിനനുസരിച്ച്് റീട്ടെയ്ല്‍ ബിയര്‍ വില ഉയര്‍ത്താന്‍ യുണൈറ്റഡ് ബ്രൂവറീസ് അനുമതി തേടിയിരുന്നു.
എന്നാല്‍ തെലങ്കാന സര്‍ക്കാര്‍ വില കൂട്ടുന്നതിനുള്ള അനുമതിയും നിഷേധിച്ചിരുന്നു. ഇതിന് പിന്നാലെയാണ് സംസ്ഥാനത്തെ മൊത്തം ബിയര്‍ വിതരണം നിര്‍ത്താന്‍ യുണൈറ്റഡ് ബ്രൂവറീസ് തീരുമാനിച്ചത്. തങ്ങള്‍ക്ക് നഷ്ടമാണ് തെലങ്കാനയിലെ ബിയര്‍ വില്‍പ്പന എന്ന് ഇവര്‍ അറിയിച്ചിട്ടുണ്ട്.
രാജ്യത്തെ ഏറ്റവും വലിയ ബിയര്‍ നിര്‍മാതാക്കളാണ് യുണൈറ്റഡ് ബ്രൂവറീസ്. 33.1 % വില കൂട്ടാനാണ് യുണൈറ്റഡ് ബ്രൂവറീസ് അനുമതി തേടിയിരുന്നത്. കഴിഞ്ഞ വര്‍ഷം ഏറ്റവും കൂടുതല്‍ ബിയര്‍ വിറ്റഴിഞ്ഞ സംസ്ഥാനമാണ് തെലങ്കാന.
Discussion about this post