പുതിയ പരീക്ഷണം നെഞ്ചേറ്റി കൊച്ചിക്കാര്‍, ഒറ്റ ദിവസത്തെ വരുമാനം ലക്ഷം കടന്നു

കൊച്ചി: കൊച്ചി മെട്രോയുടെ ഇലക്ട്രിക് ബസുകള്‍ക്ക് വന്‍സ്വീകരണം. ആകെ 1855 പേര്‍ ബസില്‍ യാത്ര ചെയ്തു. മൂന്ന് റൂട്ടുകളിലായി 1,18,180 രൂപയാണ് കളക്ഷന്‍ നേടിയത്. എയര്‍പോര്‍ട്ട് റൂട്ടില്‍ നാലും, കളമശ്ശേരി റൂട്ടില്‍ രണ്ട് ബസുമാണ് ഇതുവരെ സര്‍വീസ് നടത്തിയത്.

ആലുവ-എയര്‍പോര്‍ട്ട്, കളമശേരി-മെഡിക്കല്‍ കോളേജ്, കളമശേരി-കുസാറ്റ് എന്നീ റൂട്ടുകളിലാണ് വ്യാഴാഴ്ചയായിരുന്നു ബസ് സര്‍വീസ് ്. പുതിയ ഇലക്ട്രിക് ബസ് പൂര്‍ണമായും എയര്‍കണ്ടീഷന്‍ഡാണ്. എയര്‍പോര്‍ട്ട് റൂട്ടില്‍ 1345 പേരും കളമശേരി റൂട്ടില്‍ 510 പേരും ഈ ബസില്‍ കയറി.

ആലുവ-എയര്‍പോര്‍ട്ട് റൂട്ടില്‍ 80 രൂപയും മറ്റ് റൂട്ടുകളില്‍ അഞ്ച് കിലോമീറ്ററിന് മിനിമം 20 രൂപയുമാണ് യാത്രാനിരക്ക്. 15 കോടി രൂപയ്ക്ക് 15 ഇലക്ട്രിക് ബസുകളാണ് കൊച്ചി മെട്രോ സര്‍വീസിനായി വാങ്ങി ഓടിക്കുന്നത്. ആകെ എയര്‍പോര്‍ട്ട് റൂട്ടില്‍ നാല്, ഇന്‍ഫോപാര്‍ക്ക് റൂട്ടില്‍ രണ്ട്, ഹൈക്കോര്‍ട്ട് റൂട്ടില്‍ മൂന്ന്, കടവന്ത്ര റൂട്ടില്‍ ഒന്നും ബസുകളാണ് സര്‍വീസിനുപയോഗിക്കുക.

രാവിലെ 6.45 മുതല്‍ രാത്രി 11 മണിവരെയാണ് ബസുക്കളുടെ സര്‍വീസ് സമയം. തിരക്കുള്ള നേരം 20 മിനിട്ട് ഇടവിട്ടും അല്ലാത്തപ്പോള്‍ 30 മിനിട്ട് ഇടവെട്ടുമാണ് ബസ്. എയര്‍പോര്‍ട്ടില്‍ നിന്ന് 11 മണിക്കാണ് ആലുവയിലേക്കുള്ള അവസാന സര്‍വീസ്. കളമശേരി- മെഡിക്കല്‍ കോളേജ് റൂട്ടില്‍ അരമണിക്കൂര്‍ ഇടവിട്ട് സര്‍വീസ് നടത്തും.