ആധുനികലോകം ഏറെ വളർന്നുകഴിഞ്ഞു. ശാസ്ത്രപരമായും സാങ്കേതികപരമായും സാംസ്കാരികപരമായും വലിയ വളർച്ചയാണ് ലോകം ഇന്ന് കൈവരിച്ചിരിക്കുന്നത്. ചട്ടക്കൂടുകളെയെല്ലാം വലിച്ചെറിഞ്ഞാണ് പല നേട്ടങ്ങളും ലോകം നേടിയത്. ഇരുപതാം നൂറ്റാണ്ടിന്റെ ആരംഭം വരെ ചൈനയിൽ ഒരു സ്ത്രീയ്ക്ക് വൈദ്യസഹായം ലഭിക്കുന്നത് കീറാമുട്ടിയായ കാര്യമായിരുന്നു. അക്കാലത്ത് ഒരു സ്ത്രീയുടെ പവിത്രതയ്ക്ക് വളരെയധികം പ്രാധാന്യം നൽകിയിരുന്നു (പല സംസ്കാരങ്ങളും ഇപ്പോഴും നിലനിൽക്കുന്നു ), അതായത് ഒരു സ്ത്രീക്ക് തന്റെ ഭർത്താവല്ലാത്ത ഒരു പുരുഷനോട് അമിതമായി ശരീരം കാണിക്കാൻ കഴിയില്ല.
ഒരു ഡോക്ടർക്ക് തന്റെ സ്ത്രീ രോഗികളെ വസ്ത്രം അഴിച്ച് പരിശോധിക്കാനോ സാധിക്കാത്തതിനാൽ , രോഗനിർണയവും ചികിത്സയും ബുദ്ധിമുട്ടായിരുന്നു. ഈ പ്രശ്നത്തിന് അവർ ഒരു പരിഹാരം കണ്ടുപിടിച്ചു. പല ചൈനീസ് ഫിസിഷ്യൻമാരും അവരുടെ മേശകളിൽ ആനക്കൊമ്പ് കൊണ്ട് നിർമ്മിച്ച ഒരു നഗ്നയായ/അർദ്ധ നഗ്നയായ സ്ത്രീയെ ചിത്രീകരിക്കുന്ന ഒരു ചെറിയ പാവ സൂക്ഷിക്കാൻ തുടങ്ങി. വൈദ്യസഹായം തേടുന്ന ഒരു സ്ത്രീ ഒരു മുള സ്ക്രീനിന്റെയോ തിരശീലയ്കക്കോ പുറകിൽ ഇരിക്കുകയോ നിൽക്കുകയോ ചെയ്യും. സ്ക്രീനിലെ ഒരു ചെറിയ ജനാലയിലൂടെയോ ദ്വാരത്തിലൂടെയോ അവരുടെ കൈ നീട്ടും അങ്ങനെ ഡോക്ടർക്ക് അവരുടെ നാഡിമിടിപ്പ് പരിശോധിക്കാൻ കഴിയും. തുടർന്ന് അവർക്ക് അസ്വാസ്ഥ്യമുള്ള ഭാഗങ്ങൾ പാവയിൽ ചൂണ്ടിക്കാണിക്കും. അവരുടെടെ സൂചനയും നാഡിമിടിപ്പ് , വൈദ്യന് തന്റെ രോഗിയുമായി വാക്കാലുള്ള ആശയവിനിമയം എന്നിവയെ അടിസ്ഥാനമാക്കി, ഒരു രോഗനിർണയം നടത്തുകയും ഉചിതമായ പ്രതിവിധി നിർദ്ദേശിക്കുകയും ചെയ്യും.
ചൈനയിൽ, 15-ആം നൂറ്റാണ്ടിലെ മിംഗ് രാജവംശത്തിന്റെ കാലത്താണ് ഈ പാവകൾ രേഖപ്പെടുത്തിയിരിക്കുന്നത്, ചിലത് 1950-കളിലും ഉപയോഗിച്ചിരുന്നു.ഒരു സാധാരണ മരുന്ന് പാവയ്ക്ക് 7 മുതൽ 15 സെന്റീമീറ്റർ വരെ നീളമുണ്ടായിരുന്നു. അർദ്ധ നഗ്നയായ / നഗ്നയായ ഒരു സ്ത്രീ ഒരു വശം ചരിഞ്ഞു ഒരു കൈ തലയ്ക്ക് താങ്ങായി കിടക്കുന്ന രീതിയിൽ ആയിരുന്നു പാവയുടെ കിടപ്പ്.
