സ്ത്രീത്വത്തെ അപമാനിച്ചതിന് സംവിധായകൻ സനൽകുമാർ ശശിധരനെതിരെ കേസ്. പ്രമുഖ നടിയുടെ പരാതിയിലാണ് എറണാകുളം എളമക്കര പൊലീസ് കേസെടുത്തത്. സമൂഹമാധ്യമങ്ങളിലൂടെ അപകീർത്തികരമായ കാര്യങ്ങൾ പങ്കുവെച്ചതിനാണ് കേസ്. .
2022 ലും ഇതേ നടിയുടെ പരാതിയിൽ സനൽ കുമാറിനെതിരെ പൊലീസ് കേസെടുത്തിരുന്നു. അതിന് പിന്നാലെ ഇത്തരത്തിലുള്ള പരാമർശങ്ങൾ സനൽ കുമാർ ഒഴിവാക്കിയിരുന്നു. എന്നാൽ ഇപ്പോൾ വീണ്ടും നടിയുടെയും മകളുടെയും ജീവന് ഭീഷണി എന്ന തരത്തിലുള്ള പോസ്റ്റുമായി ഇദ്ദേഹം രംഗത്ത് വരുകയായിരിന്നു.
എന്നാൽ ഇത്തവണ ശബ്ദരേഖയടക്കം പുറത്ത് വിട്ടുകൊണ്ടാണ് സംവിധായകൻ രംഗത്ത് വന്നിരിക്കുന്നത്. തന്റെ ഫേസ് ബുക്ക് അക്കൗണ്ടിലാണ് സംവിധായകൻ ശബ്ദ രേഖ പുറത്ത് വിട്ടിരിക്കുന്നത്.
കമ്മീഷണർക്ക് നൽകിയ പരാതി നേരെ എളമക്കര പോലീസിന് കൈമാറുകയായിരുന്നു. സ്ത്രീത്വത്തെ അപമാനിക്കുക തുടങ്ങിയ വകുപ്പുകൾ ചുമത്തിയാണ് കേസ് രജിസ്റ്റർ ചെയ്തിരിക്കുന്നത്.ഇയാൾക്കെതിരെ കൂടുതൽ നടപടികൾ സ്വീകരിക്കാനാണ് നിലവിൽ പൊലീസ് തീരുമാനിച്ചിരിക്കുന്നത്. നിലവിൽ ഇയാൾ അമേരിക്കയിലാണ്
Discussion about this post