ഡല്‍ഹി: പി.എഫ് നിക്ഷേപം പിന്‍വലിക്കുന്നതിന് നികുതി ഈടാക്കില്ലെന്ന് ധനമന്ത്രി അരുണ്‍ ജെയ്റ്റ്‌ലി ലോക്‌സഭയെ അറിയിച്ചു. പി.എഫ് തുക പിന്‍വലിക്കുമ്പോള്‍ 60 ശതമാനത്തിന് നികുതി ഈടാക്കുമെന്ന ജെയ്റ്റ്‌ലിയുടെ ബജറ്റ് പ്രഖ്യാപനം ഏറെ വിവാദമായിരുന്നു. ഈ വിഷയത്തില്‍ തനിക്ക് നിരവധി നിവേദനങ്ങള്‍ ലഭിച്ചതായും അതുകൊണ്ട് ഇക്കാര്യം പുന:പരിശോധിച്ച് നികുതി തീരുമാനം പിന്‍വലിക്കുന്നുവെന്നും ജെയ്റ്റ്‌ലി പറഞ്ഞു.
സര്‍ക്കാറിന് കൂടുതല്‍ വരുമാനം ഉണ്ടാക്കാന്‍ വേണ്ടിയായിരുന്നില്ല നികുതി ഏര്‍പെടുത്താന്‍ തീരുമാനിച്ചത്. സേവനത്തില്‍ നിന്ന് വിരമിക്കുന്ന കാലത്തോ അല്ലാത്തപ്പോഴോ പിന്‍വലിക്കുന്ന പി.എഫ് തുക പെന്‍ഷന്‍ ഫണ്ടിലേക്ക് മാറ്റി അവരുടെ സുരക്ഷ ഉറപ്പാക്കുക എന്നതായിരുന്നു ലക്ഷ്യം. 60 ശതമാനത്തിനുമേലുള്ള നികുതി നിര്‍ദേശം പൂര്‍ണമായും പിന്‍വലിക്കുന്നു. എന്നാാല്‍, പെന്‍ഷന്‍ തുക പിന്‍വലിക്കുമ്പോള്‍ 40 ശതമാനത്തിനു മാത്രമെ നികുതിയിളവുള്ളൂ എന്നും 60 ശതമാനത്തിന് നികുതിയുണ്ടാവുമെന്നും അദ്ദേഹം അറിയിച്ചു.
Discussion about this post