യുഎസ് തേടുന്ന രാജ്യാന്തര കുറ്റവാളിയെ പിടികൂടി കേരള പോലീസ് . ഇന്റർപോൾ റെഡ്‌കോർഡർ നോട്ടീസ് ഇറക്കിയ കുറ്റവാളിയെയാണ് കേരളാ പോലീസ് പിടികൂടിയത്. ലിത്വാനിയൻ പൗരനുമായ അലക്‌സേജ് ബെസിയോകോവ് (46) ആണ് വർക്കലയിൽ നിന്ന് പിടിയിലായത്.
റാൻസംവെയർ, കമ്പ്യൂട്ടർ ഹാക്കിങ് മയക്കുമരുന്ന് ഇടപാടുകൾ തുടങ്ങിയ ക്രിമിനൽ പ്രവർത്തനങ്ങളിൽ നിന്നുമുള്ള വരുമാനം വെളുപ്പിക്കുന്നതിനായി ഗാരന്റക്‌സ് എന്ന പേരിൽ ക്രിപ്‌റ്റോകറൻസി എക്‌സ്‌ചേഞ്ച് നടത്തി വരികയായിരുന്നു പ്രതി .
കഴിഞ്ഞ ആറുവർഷം ഗാരന്റക്‌സിനെ നിയന്ത്രിച്ചിരുന്നത് ബെസിയോക്കോവ് ആണ് എന്ന് അമേരിക്കൻ രഹസ്യാന്വേഷണ വിഭാഗത്തിന്റെ രേഖകളിൽ പറയുന്നു. ക്രിപ്റ്റോ കറൻസിയിലുള്ള കുറഞ്ഞത് 9600 കോടി ഡോളർ ഇടപാടുകളാണ് ഗാരന്റക്‌സിനെ ഉപയോഗിച്ച് വെളുപ്പിച്ചത്. ഭീകര സംഘടനകൾ ഉൾപ്പെടെ അന്തർദേശീയ ക്രിമിനൽ സംഘടനകളുടെ കള്ളപ്പണ ഇടപാടുകളാണ് ഇത്തരത്തിൽ നിയമവിരുദ്ധമായി വെളുപ്പിച്ചത്.
അലക്‌സേജ് ബെസിയോകോവിനെ യുഎസ് ഡിപ്പാർഡ്‌മെന്റ് ഓഫ് ജസ്റ്റിസ് പിടികിട്ടാപ്പുള്ളിയായി പ്രഖ്യാപിച്ചിരുന്നു . കേരളത്തിൽ കുടുംബത്തോടൊപ്പം അവധിക്കാലം ചിലവിടാൻ എത്തിയതായിരുന്നു. ഇതിനിടയിലാണ് കേരള പോലീസ് ഇയാളെ പിടികൂടിയത്.
Discussion about this post