ന്യൂഡല്ഹി: ജമ്മു കശ്മീരിലെ കുല്ഗാമില് സുരക്ഷാസേനയും ഭീകരരും തമ്മില് ഏറ്റുമുട്ടൽ തുടരുന്നു. കുല്ഗാമിലെ തങ്മാര്ഗിലാണ് ശക്തമായ ഏറ്റുമുട്ടല് നടക്കുന്നത്. ദ റെസിസ്റ്റന്സ് ഫ്രണ്ടിന്റെ ടോപ് കമാന്ഡറെ സൈന്യം വളഞ്ഞതായാണ് ഏറ്റവും പുതിയ വിവരം. ഒന്നിലധികം ഭീകരര് ഈ ഭാഗത്ത് കുടുങ്ങിയിട്ടുണ്ട്. കൂടുതല് സൈനികരെ ഈ ഭാഗത്ത് വിന്യസിച്ചതായാണ് വിവരം.
ഭീകരരുടെ സാന്നിധ്യമുണ്ടെന്നുള്ള വിവരം ലഭിച്ചതിനെ തുടര്ന്നാണ് സൈന്യം പ്രദേശത്ത് തിരച്ചിൽ ആരംഭിച്ചത്. കരസേന, സിആര്പിഎഫ്, ജമ്മു കശ്മീര് പോലീസ് എന്നിവയുടെ സംയുക്ത ഓപ്പറേഷന് ആണ് പ്രദേശത്ത് നടക്കുന്നത്. നേരത്തെ ബാരാമുള്ളയില് നുഴഞ്ഞുകയറ്റത്തിനു ശ്രമിച്ച രണ്ടുഭീകരരെ സൈന്യം വധിച്ചിരുന്നു. പഹല്ഗാമിലെ ഭീകരാക്രമണത്തിനുപിന്നാലെ ഭീകരര്ക്കായി ശക്തമായ തിരച്ചിലാണ് സൈന്യം നടക്കുന്നത്. ആക്രമണം നടത്തിയ ഭീകരര്ക്കായുള്ള തിരച്ചില് തുടരുകയാണ്.
ഭീകരൻ സൈഫുള്ള ഖാലിദ് എന്ന കസൂരിയാണ് ആക്രമണത്തിന്റെ മുഖ്യ സൂത്രധാരനെന്നാണ് രഹസ്യാന്വേഷണ വിഭാഗത്തിന് ലഭിക്കുന്ന വിവരങ്ങൾ. പാകിസ്താൻആസ്ഥാനമായി പ്രവര്ത്തിക്കുന്ന ഭീകരസംഘടനയായ ലഷ്ക്കർ ഇ തൊയ്ബയുടെ ഉപമേധാവിയാണ് ഇയാൾ. സൈഫുളള ഖാലിദ് എന്ന കസൂരി. പെഷവാറില് ലഷ്ക്കറിന്റെ നേതൃത്വം കസൂരിക്കാണ്. ഇയാൾ പാക് അധീന കശ്മീരിലിരുന്ന് ആക്രമണം ആസൂത്രണം ചെയ്തെന്നാണ് കേന്ദ്ര ഏജൻസികൾ കണ്ടെത്തിയിരിക്കുന്നത് . കൊടുംഭീകരനായ ഹഫീസ് സെയ്ദുമായി അടുത്ത ബന്ധം പുലര്ത്തുന്ന കസൂരി, ലഷ്ക്കറിന്റെ പ്രാദേശിക സംഘടനയായ റെസിസ്റ്റന്സ് ഫ്രണ്ടുമായി സഹകരിച്ച് ആക്രമണം നടത്തിയെന്നാണ് വിവരം.
Discussion about this post