അവന്റെ പിതാവ് ഒരു എൻആർഐയോ മുൻ സെലെക്ടറോ അല്ല, ഹർഷിത് റാണ വിവാദത്തിൽ മുൻ താരത്തിന് മറുപടിയുമായി ഗൗതം ഗംഭീർ

യുവ പേസർ ഹർഷിത് റാണയെ ട്രോളിയ മുൻ ക്യാപ്റ്റനും സെലക്ടറുമായ ക്രിസ് ശ്രീകാന്തിനെതിരെ ഇന്ത്യയുടെ മുഖ്യ പരിശീലകൻ ഗൗതം ഗംഭീർ രൂക്ഷ വിമർശനവുമായി രംഗത്ത്. വരാനിരിക്കുന്ന ഓസ്‌ട്രേലിയൻ പര്യടനത്തിനുള്ള ഇന്ത്യയുടെ ടി20, ഏകദിന ടീമുകളെ പ്രഖ്യാപിച്ചതിന് ശേഷം റാണയെ ഇരു ടീമുകളിലും ഉൾപ്പെടുത്തിയതിന് ശ്രീകാന്ത് ചോദ്യം ചെയ്തു.

കൊൽക്കത്ത നൈറ്റ് റൈഡേഴ്‌സ് (കെകെആർ) കിരീടം നേടിയ 2024 ഐപിഎൽ മുതൽ ഹർഷിത്, ഗംഭീറിന്റെ പ്രിയപ്പെട്ടവനാണെന്ന് അദ്ദേഹം ഈ തിരഞ്ഞെടുപ്പിനെ വിശേഷിപ്പിച്ചു. “ഗൗതം ഗംഭീറിന്റെ ഇഷ്ടതാരമായതിനാൽ ഹർഷിത് റാണ സ്ഥിരം അംഗമാണ് ഇപ്പോൾ ഇന്ത്യൻ ടീമിൽ. ശുഭ്മാൻ ഗില്ലിന് ശേഷം ടീം പട്ടികയിൽ ആദ്യ പേര് ഹർഷിത് റാണയുടെയാണ്. അദ്ദേഹം വെറുമൊരു സിനിമാ ക്രിക്കറ്റ് കളിക്കാരൻ മാത്രമാണ്. എന്നാൽ ഇപ്പോൾ ടീമിൽ ഒരു സ്ഥിരം കളിക്കാർ മാത്രമേയുള്ളൂ – ഹർഷിത് റാണ. ടീമിൽ എന്തിനാണ് അദ്ദേഹം ഉള്ളതെന്ന് ആർക്കും അറിയില്ല. ഹർഷിത് റാണയെപ്പോലെ ആയാൽ മതി അയാളെ ഗംഭീർ ടീമിൽ എടുത്തോളും” ശ്രീകാന്ത് തന്റെ യൂട്യൂബ് ചാനലിൽ പറഞ്ഞു.

വെസ്റ്റ് ഇൻഡീസിനെതിരായ രണ്ടാം ടെസ്റ്റിനുശേഷം റാണയെക്കുറിച്ചുള്ള ശ്രീകാന്തിന്റെ അഭിപ്രായത്തെക്കുറിച്ച് ചോദിച്ചപ്പോൾ ഗംഭീർ പറഞ്ഞു:

“നോക്കൂ, ഇത് ലജ്ജാകരമാണ്. നിങ്ങളുടെ യൂട്യൂബ് ചാനൽ നടത്താൻ 23 വയസ്സുള്ളവരെ നിങ്ങൾ വിമർശിക്കുകയാണെങ്കിൽ, അത് അന്യായമാണ്. അദ്ദേഹത്തിന്റെ അച്ഛൻ ഒരു മുൻ ചെയർമാനോ മുൻ ക്രിക്കറ്റ് കളിക്കാരനോ ഒരു എൻആർഐയോ അല്ല. അദ്ദേഹം സ്വന്തം യോഗ്യതയുടെ അടിസ്ഥാനത്തിൽ ക്രിക്കറ്റ് കളിച്ചു വന്നതാണ്. അദ്ദേഹം അത് തുടരും. വ്യക്തികളെ ലക്ഷ്യമിടുന്നത് ന്യായമല്ല. അവരുടെ പ്രകടനത്തിന്റെ അടിസ്ഥാനത്തിൽ വിലയിരുത്താം. സെലക്ടർമാർ ആ ജോലി ചെയ്തോളും. സോഷ്യൽ മീഡിയയിൽ ഒരു 23 വയസ്സുകാരനെക്കുറിച്ച് നിങ്ങൾ മോശം കാര്യങ്ങൾ പറഞ്ഞാൽ, അത് അദ്ദേഹത്തിന്റെ മാനസികാവസ്ഥയെ ബാധിക്കും”

അദ്ദേഹം തുടർന്നു:

“നാളെ നിങ്ങളുടെ കുട്ടി ക്രിക്കറ്റ് കളിക്കുകയാണെങ്കിൽ, അവന് വിമർശനം കിട്ടുന്ന സാഹചര്യം സങ്കൽപ്പിക്കുക. ഹർഷിത് 33 വയസ്സുള്ള കുട്ടിയല്ല, 23 വയസ്സുള്ള കുട്ടിയാണ്. എന്നെ വിമർശിക്കൂ, എനിക്ക് അത് കൈകാര്യം ചെയ്യാൻ കഴിയും, പക്ഷേ അവൻ 23 വയസ്സുള്ള കുട്ടിയാണ്, അതിനാൽ അത് സ്വീകാര്യമല്ല. ഇന്ത്യൻ ക്രിക്കറ്റിനോട് നിങ്ങൾക്ക് ഒരു ധാർമ്മിക ഉത്തരവാദിത്തം ഉണ്ടായിരിക്കണം. നിങ്ങളുടെ യൂട്യൂബ് ചാനൽ നടത്താൻ നിങ്ങൾ ഇത്തരം കാര്യങ്ങൾ ചെയ്യരുത്. ഇത് ഹർഷിത്തിന്റെ കാര്യത്തിൽ മാത്രമല്ല, ഭാവിയിൽ മറ്റുള്ളവർക്കും വേണ്ടിയാണ്.”

ഇന്ത്യയുടെ ഓസ്‌ട്രേലിയൻ വൈറ്റ്-ബോൾ പര്യടനത്തിൽ മൂന്ന് ഏകദിനങ്ങളും അഞ്ച് ടെസ്റ്റുകളും ഉൾപ്പെടുന്നു, ഒക്ടോബർ 19 ന് ആണ് ആദ്യ ഏകദിന മത്സരം നടക്കുക.