പാലക്കാട് എംഎൽഎ രാഹുൽ മാങ്കൂട്ടത്തിലിനെതിരെ ലൈംഗികപീഡനപരാതി നൽകിയ യുവതിയെ സോഷ്യൽമീഡിയയിലൂടെ അധിക്ഷേപിച്ച സംഭവത്തിൽ രാഹുൽ ഈശ്വറിനെ കസ്റ്റഡിയിലെടുത്ത് പോലീസ്. നിലവിൽ സൈബർ പോലീസ് രാഹുൽ ഈശ്വറിനെ ചോദ്യം ചെയ്ത് വരികയാണ്.
സോഷ്യൽമീഡിയയിലൂടെ അപമാനിക്കുന്നുവെന്ന് യുവതി നൽകിയ പരാതിയ്ക്ക് പിന്നാലെയാണ് നടപടി.
രാഹുൽ ഈശ്വറിന്റെയും കോൺഗ്രസ് നേതാവായ സന്ദീപ് വാര്യരുടേയും രണ്ടു വനിതകളുടേയും അടക്കം യുആർഎൽ അടക്കംആണ് പരാതി നൽകിയിരിക്കുന്നത്.
പരാതി ലഭിച്ചതിന് പിന്നാലെ സൈബർ പോലീസ് വീട്ടിലെത്തി രാഹുൽ ഈശ്വറിനോട് ചോദ്യം ചെയ്യലിന് ഹാജരാകാൻ നിർദേശിക്കുകയായിരുന്നു. ഫോണും ലാപ്‌ടോപ്പും ഹാജരാക്കാൻ നിർദേശിച്ചു. എആർ ക്യാംപിലെ വളപ്പിൽ സ്ഥിതി ചെയ്യുന്ന സൈബർ പോാലീസ് സ്റ്റേഷനിലാണ് ചോദ്യം ചെയ്യൽ. സോഷ്യൽമീഡിയയിലൂടെയും തന്റെ യുട്യൂബ് ചാനലിലൂടെയും പരാതിക്കാരിയെ അധിക്ഷേപിക്കുന്ന തരത്തിൽ രാഹുൽ ഈശ്വർ നിരന്തരം പോസ്റ്റുകളും വീഡിയോകളും ഇട്ടിരുന്നു. ചാനൽ ചർച്ചകളിൽ വന്നും യുവതിയെ അപമാനിക്കുന്ന തരത്തിൽ പലതരം പരാമർശങ്ങൾ രാഹുൽ നടത്തിയിരുന്നു. പരാതി നൽകിയതിന് ശേഷം യുവതിയുടെ ഐഡന്റിറ്റി വെളിപ്പെടുത്തുന്ന തരത്തിലേക്കും കാര്യങ്ങൾ എത്തി.
Discussion about this post