ഡല്ഹി : തലാക്ക് ചോല്ലി വിവാഹബന്ധെ വേര്പെടുത്തുന്ന മുസ്ലീം വ്യക്തി നിയമത്തെക്കുറിച്ച് നിര്ണായക വിധി പ്രസ്താവിക്കാന് സുപ്രീം കോടതി. തലാക്കിനെതിരായി ഹര്ജി നല്കിയിരിക്കുന്നത് ഷയറ ബാനു എന്ന മുസ്ലീം സ്ത്രീയാണ് .
മൂന്ന് തലാക്ക് ചൊല്ലി വിവാഹബന്ധം വേര്പെടുത്തുന്ന മുസ്ലീം നിയമം മുസ്ലീം സ്ത്രീകളോടുള്ള വിവേചനമാണെന്നാണ് പരാതിയില് വ്യക്തമാക്കുന്നത്.നേരിട്ട് മാത്രമല്ല, വീഡിയോയിലൂടെയും ഫെയ്സ്ബുക്കിലൂടെയും ഫോണ് സന്ദേശങ്ങളായും വരെ തലാക്ക് ചൊല്ലി ബന്ധം വേര്പെടുത്തുന്ന രീതിയാണ് ഇന്ന് നിലവിലുള്ളത്. പതിമൂന്ന് വര്ഷങ്ങള്ക്ക് മുമ്പ് വിവാഹമോചിതയായ ബാനു ഇത്തരം വിവേചനത്തിന് ഒരു അറുതി വേണം എന്ന തീരുമാനത്തിലാണ് കേസ് നല്കിയത്.
മൂന്ന് തലാക്ക് ചൊല്ലി വിവാഹബന്ധം വേര്പെടുത്താനുള്ള മുസ്ലീം പുരുഷന്റെ സ്വാതന്ത്ര്യം മുസ്ലീം സ്ത്രീകള്ക്കെതിരെയുള്ള വിവേചനമാണ്. സൗദി അറേബ്യ, പാകിസ്ഥാന്, ഇറാഖ് തുടങ്ങിയ മുസ്ലീം രാജ്യങ്ങളില് പോലും തലാക്കിന് യാതൊരു നിയമസാധുതയുമില്ല. ഇന്ത്യയില് മാത്രമാണ് ഇപ്പോഴും ഇത് തുടരുന്നതെന്നും ഷയര ബാനു ഹര്ജിയില് പറയുന്നു.
Discussion about this post