ഈ കഥ തുടങ്ങുന്നത് പാലക്കാടുള്ള ഒരു സാധാരണ കുടുംബത്തിലാണ്. അവിടെ ഒരു വലിയ വീട്ടിൽ താമസിക്കുന്നത് ഭാരതിയമ്മയുടെ മൂത്ത മകൻ ഉണ്ണി(ദിലീപ്) ദുബായിൽ വലിയ ജോലിയിലാണെന്നാണ് വീട്ടുകാർ വിശ്വസിക്കുന്നത്. ഇടക്ക് നാട്ടിലെത്തി ഒരുപാട് ഒരുപാട് സാധങ്ങളും മറ്റും വീട്ടുകാർക്ക് സമ്മാനിച്ചുകൊണ്ട് ഉണ്ണി ദുബായിലേക്ക് മടങ്ങുകയും ചെയ്യുന്നു. എന്നാൽ ഉണ്ണി സത്യത്തിൽ ദുബായിലല്ല, മറിച്ച് വാളയാർ അതിർത്തിയിലെ ഏറ്റവും വലിയ സ്പിരിറ്റ് കടത്തുകാരനായ ‘വാളയാർ പരമശിവം’ ആണ്. ജയിലിൽ കഴിയുന്ന ഉണ്ണി ദുബായിലാണെന്ന് പറഞ്ഞ് അയാളുടെ പേരിൽ നാട്ടിലേക്ക് കാശയക്കുന്നത് ഉണ്ണിയുടെ എല്ലാമെല്ലാമായ ഭായ് ആണ്( മുരളി.
ഇത്രയും വായിച്ചപ്പോൾ തന്നെ ചിത്രം ഏതാണെന്ന് മനയിലായി കാണും അല്ലെ. അതെ 2004-ൽ ജോഷിയുടെ സംവിധാനത്തിൽ പുറത്തിറങ്ങിയ ദിലീപ് ചിത്രം ‘റൺവേ’ (Runway) ഒരു പക്കാ മാസ്സ് മസാല എന്റർടൈനറായിരുന്നു. വാളയാറിലെ സ്പിരിറ്റ് കടത്തും കുടുംബബന്ധങ്ങളും കോർത്തിണക്കിയ ചിത്രം ദിലീപിന്റെ കരിയറിലെ ഏറ്റവും വലിയ ഹിറ്റുകളിൽ ഒന്നാണ്. ചിത്രത്തിലെ ദിലീപ് കഥാപാത്രമായ വാളയാർ പരമശിവത്തിന് ഒരുപാട് ആരാധകർ ഇന്നും ഉണ്ട്. കുടുംബത്തിലെ സാമ്പത്തിക ബുദ്ധിമുട്ടുകൾ തീർക്കാൻ ഒരു രാത്രി നാടുവിട്ട ഉണ്ണി എത്തിപ്പെടുന്നത് സ്പിരിറ്റ് ലോറി ഓടിച്ചിരുന്ന ഭായിയുടെ അടുത്താണ്.
ശേഷം അയാളുടെ ഒപ്പം കൂടിയ ഉണ്ണി തന്റെ ബുദ്ധി ഉപയോഗിച്ച് ശത്രുക്കളേക്കാൾ വലിയ സ്പിരിറ്റ് രാജാവാകുന്നു. അതിനിടയിലാണ് കൊലക്കുറ്റത്തിന് ജയിലാകുന്നത്. എന്തായാലും ജയിലിൽ കഴിയുന്ന ഉണ്ണി വീട്ടുകാർ അറിയാതെ ആ രഹസ്യം കൊണ്ടുപോകുന്നതും ശേഷം ഉണ്ണിയുടെ അനിയൻ പൊലീസിൽ ജോലി കിട്ടിയതിന് ശേഷം അയാളുടെ ജീവിതത്തിൽ ഉണ്ടാകുന്ന മാറ്റങ്ങളാണ് സിനിമ സംസാരിക്കുന്ന വിഷയം.
ചിത്രത്തിൽ ഒരുപാട് നല്ല നിമിഷങ്ങൾ ഉണ്ടെങ്കിലും അറിഞ്ഞോ അറിയാതെയോ സംഭവിച്ച ഒരു വലിയ തെറ്റുണ്ട്. സിനിമയിലെ ഒരു സ്റ്റേഷൻ സീനിൽ ഭായ് സ്റ്റേഷനിലേക്ക് വന്ന് ഉണ്ണിയുടെ അണിയനോട് സംസാരിക്കുന്ന രംഗമുണ്ട്. അവിടെ വാളയാറിന്റെ മാപ്പ് അവിടെ ഭിത്തിയിൽ ഒട്ടിച്ചിരിക്കുന്നത് കാണാം. എന്നാൽ അത് വാളയാറിൽ മാപ്പല്ല ആ സ്ഥലവുമായി ഒരു ബന്ധവും ഇല്ലാത്ത ഓസ്ട്രേലിയയുടെ മാപ്പ് ആണ്. സിനിമയുടെ പെർഫെക്ഷന് വേണ്ടി ഒരുപാട് റിസ്ക്കുകൾ എടുക്കാറുള്ള ജോഷിയെ പോലെ ഒരു സംവിധായകന് ഈ പിഴവ് എങ്ങനെ സംഭവിച്ചു എന്നതാണ് ചിന്തിപ്പിക്കുന്നത്.
Discussion about this post