ന്യൂഡൽഹി : AI ഇംപാക്ട് ഉച്ചകോടിയിൽ ആഗോള പങ്കാളിത്തത്തിന് ആഹ്വാനം ചെയ്ത് പ്രധാനമന്ത്രി നരേന്ദ്ര മോദി. ശാസ്ത്ര സാങ്കേതിക മേഖലയിലെ രാജ്യത്തിന്റെ ദ്രുതഗതിയിലുള്ള പുരോഗതിയാണ് ഈ പരിപാടി എടുത്തുകാണിക്കുന്നതെന്നും അദ്ദേഹം പറഞ്ഞു. രാജ്യത്തെ യുവാക്കളുടെ കഴിവുകൾ പ്രതിഫലിപ്പിക്കുന്നതാണ് ഉച്ചകോടിയെന്നും ഇന്ത്യയുടെ കഴിവുകളും വളർച്ചയും ഇപ്പോൾ ലോകം ഉറ്റുനോക്കുകയാണെന്നും പ്രധാനമന്ത്രി സൂചിപ്പിച്ചു.
“ഇന്ത്യ എഐ ഇംപാക്ട് ഉച്ചകോടിക്കായി ലോകമെമ്പാടുമുള്ള ആളുകൾ ഇന്ത്യയിലേക്ക് വരുന്നത് ഞങ്ങൾക്ക് വളരെയധികം അഭിമാനകരമായ കാര്യമാണ്. ഇത് നമ്മുടെ രാജ്യത്തെ യുവാക്കളുടെ കഴിവിനെയും എടുത്തുകാണിക്കുന്നു. നമ്മുടെ രാജ്യം ശാസ്ത്ര സാങ്കേതിക മേഖലയിൽ അതിവേഗം പുരോഗമിക്കുന്നുവെന്നും ആഗോള വികസനത്തിന് ഒരു പ്രധാന സംഭാവന നൽകുന്നുണ്ടെന്നുമുള്ളതിന് ഈ അവസരം കൂടുതൽ തെളിവാണ്,” എന്ന് എക്സിൽ പങ്കുവെച്ച ഒരു പോസ്റ്റിൽ പ്രധാനമന്ത്രി സൂചിപ്പിച്ചു. 13 രാജ്യങ്ങൾ ഉൾപ്പെടെ ഏകദേശം 600 സ്റ്റാർട്ടപ്പുകളും സ്ഥാപനങ്ങളും AI ഉച്ചകോടിയിൽ പങ്കെടുക്കും.
ഉച്ചകോടിയിൽ 500-ലധികം സെഷനുകൾ സംഘടിപ്പിക്കും, 3,250 പ്രഭാഷകരും പാനൽ അംഗങ്ങളും അവരുടെ കാഴ്ചപ്പാടുകൾ പങ്കിടുന്നതാണ്. ഫ്രഞ്ച് പ്രസിഡന്റ് ഇമ്മാനുവൽ മാക്രോൺ, ബ്രസീലിന്റെ ലൂയിസ് ഇനാസിയോ ലുല ഡ സിൽവ, യുണൈറ്റഡ് അറബ് എമിറേറ്റ്സ് (യുഎഇ) പ്രസിഡന്റ് ഷെയ്ഖ് ഖാലിദ് ബിൻ മുഹമ്മദ് ബിൻ സായിദ് അൽ നഹ്യാൻ എന്നിവരുൾപ്പെടെ 20 ഓളം രാജ്യങ്ങളിൽ നിന്നുള്ള ആഗോള നേതാക്കളും പ്രതിനിധികളും മന്ത്രിമാരും പരിപാടിയിൽ പങ്കെടുക്കും.
Discussion about this post