ബെംഗളൂരു : എൻഐഎ തേടുന്ന തീവ്രവാദി അർഷാദ് ഖാൻ അറസ്റ്റിൽ. ബെംഗളൂരുവിലെ ഒളിത്താവളത്തിൽ നിന്നുമാണ് പിടിയിലായത്. കർണാടകയിലെ തീവ്രവാദ നിരീക്ഷണ പട്ടികയിലെ ഏറ്റവും പ്രാധാന്യമുള്ള പിടികിട്ടാപ്പുള്ളിയായി എൻഐഎ പ്രഖ്യാപിച്ചിരുന്ന തീവ്രവാദിയാണ് അർഷാദ് ഖാൻ. നേരത്തേ ഒരു വൻ ഗ്രനേഡ് കണ്ടെടുക്കൽ കേസുമായി ബന്ധപ്പെട്ട് ബെംഗളൂരു സെൻട്രൽ ക്രൈം ബ്രാഞ്ച് (സിസിബി) പോലീസ് ഇയാളെ അറസ്റ്റ് ചെയ്തിരുന്നെങ്കിലും ജാമ്യത്തിൽ ഇറങ്ങിയശേഷം മുങ്ങുകയായിരുന്നു.
ഗ്രനേഡ് കണ്ടെത്തിയ കേസിൽ കർണാടകയിലെ പ്രാദേശിക കോടതി ജാമ്യം നൽകിയതോടെയാണ് അർഷാദ് ഖാൻ പോലീസിനെയും കോടതിയെയും കബളിപ്പിച്ച് ഓളിത്താവളത്തിലേക്ക് മാറിയിരുന്നത്. ജാമ്യ വ്യവസ്ഥകളുടെ ലംഘനം ഇയാൾക്കെതിരെയുള്ള ജുഡീഷ്യൽ നടപടിക്ക് കാരണമായി. കോടതി ജാമ്യമില്ലാ വാറണ്ടും ഒളിച്ചോടിയതായി പ്രഖ്യാപിക്കുന്ന പ്രഖ്യാപനവും പുറപ്പെടുവിച്ചു. തുടർന്ന് രഹസ്യാന്വേഷണ വിവരങ്ങളുടെ അടിസ്ഥാനത്തിൽ കേസ് ഇന്ത്യയിലെ പ്രമുഖ തീവ്രവാദ വിരുദ്ധ ഏജൻസിയായ നാഷണൽ ഇൻവെസ്റ്റിഗേഷൻ ഏജൻസിക്ക് (എൻഐഎ) കൈമാറി.
എൻഐഎ അന്വേഷണത്തിൽ പ്രതി ബെംഗളൂരുവിലെ ഒരു ഒളിത്താവളത്തിൽ ഉള്ളതായി കണ്ടെത്തി. തുടർന്ന് കർണാടക പോലീസും ദേശീയ അന്വേഷണ ഏജൻസിയും ചേർന്ന് നാടകീയമായ നീക്കത്തിലൂടെ അർഷാദ് ഖാനെ പിടികൂടുകയായിരുന്നു.
Discussion about this post