ന്യൂഡൽഹി : പ്രധാനമന്ത്രിയുടെ പുതിയ ഓഫീസ് ആയ സേവാ തീർത്ഥിലെ ആദ്യ മന്ത്രിസഭാ യോഗത്തിന് തുടക്കമായി. പ്രധാനമന്ത്രി നരേന്ദ്രമോദി മന്ത്രിസഭായോഗത്തിന് ആരംഭം കുറിച്ചുകൊണ്ട് സംസാരിച്ചു. ശുഭവാർത്തകളുടെ സമയമാണിതെന്ന് അദ്ദേഹം മന്ത്രിസഭായോഗത്തിനു മുന്നോടിയായി വ്യക്തമാക്കി. കഴിഞ്ഞയാഴ്ചയാണ് പ്രധാനമന്ത്രി നരേന്ദ്രമോദി പുതിയ ഓഫീസ് കെട്ടിടമായ സേവാ തീർത്ഥിന്റെ ഉദ്ഘാടനം നിർവഹിച്ചിരുന്നത്.
നേരത്തെ രാഷ്ട്രപതി ഭവനിൽ സ്ഥിതി ചെയ്തിരുന്ന കാബിനറ്റ് സെക്രട്ടേറിയറ്റും ഇപ്പോൾ സേവാ തീർത്ഥിലേക്ക് മാറ്റിയിട്ടുണ്ട്. ഓഫീസ് മാറ്റുന്നതിന് മണിക്കൂറുകൾക്ക് മുമ്പ്, ഫെബ്രുവരി 13 ന് സൗത്ത് ബ്ലോക്കിലെ പ്രധാനമന്ത്രിയുടെ ഓഫീസിലായിരുന്നു അവസാന മന്ത്രിസഭായോഗം നടന്നിരുന്നത്. സ്വാതന്ത്ര്യലബ്ധിക്കുശേഷം സൗത്ത് ബ്ലോക്കിൽ എടുത്ത നിരവധി ചരിത്രപരമായ തീരുമാനങ്ങളെക്കുറിച്ച് പ്രധാനമന്ത്രി അന്ന് സംസാരിച്ചിരുന്നു.
