ആറ്റുകാൽ പൊങ്കാലയ്ക്കിടെ തൻ്റെ ചിത്രങ്ങളും വീഡിയോകളും മോശമായ രീതിയിൽപ്രചരിപ്പിക്കപ്പെട്ടതിലും വസ്ത്രധാരണത്തെച്ചൊല്ലിയുണ്ടായ വിവാദങ്ങളിലും പ്രതികരണവുമായി നടിഅന്ന രാജൻ. ഭക്തിനിർഭരമായ ആ അന്തരീക്ഷത്തിൽ നിന്നും ശ്രദ്ധ മാറ്റുന്ന രീതിയിൽ ചിലദൃശ്യങ്ങൾ സോഷ്യൽ മീഡിയയിൽ പ്രചരിച്ചത് തന്നെ വല്ലാതെ വേദനിപ്പിച്ചുവെന്ന് താരം പറഞ്ഞു. തൻ്റെ പ്രവൃത്തികൾ ഏതെങ്കിലും ഭക്തരെ വേദനിപ്പിച്ചിട്ടുണ്ടെങ്കിൽ ആത്മാർത്ഥമായി ക്ഷമചോദിക്കുന്നുവെന്നും അന്ന സോഷ്യൽ മീഡിയയിൽ കുറിച്ചു.
ആദ്യമായാണ് ആറ്റുകാൽ അമ്മയ്ക്ക് പൊങ്കാല അർപ്പിക്കാൻ എത്തിയതെന്നും കൊടുംചൂടിനെഅവഗണിച്ച് ശുദ്ധമായ ഭക്തിയോടെയാണ് ആ കർമ്മം പൂർത്തിയാക്കിയതെന്നും അന്ന പറയുന്നു. എന്നാൽ അവിടെയുണ്ടായിരുന്ന മാധ്യമങ്ങളെയും മറ്റുള്ളവരെയും പൂർണ്ണമായി വിശ്വസിച്ചിരിക്കെ, അനാവശ്യമായ വീഡിയോ ക്ലിപ്പുകൾ പ്രചരിപ്പിക്കപ്പെട്ടത് നിർഭാഗ്യകരമായിപ്പോയി. അത് ആപുണ്യനിമിഷങ്ങളുടെ പവിത്രതയെ ഇല്ലാതാക്കുന്നതായിരുന്നുവെന്നും താരം വ്യക്തമാക്കി.
“എൻ്റെ സാരിയോ, ഭാവങ്ങളോ, പ്രവൃത്തികളോ ഏതെങ്കിലും ഭക്തരുടെ വികാരങ്ങളെവേദനിപ്പിച്ചിട്ടുണ്ടെങ്കിൽ ഞാൻ അതിന് ആത്മാർത്ഥമായി ക്ഷമ ചോദിക്കുന്നു. അത് ഒരിക്കലുംഎൻ്റെ ഉദ്ദേശ്യമായിരുന്നില്ല. എൻ്റെ ചിരിക്കു പിന്നിലെ പോരാട്ടങ്ങളും പ്രാർത്ഥനകളും അമ്മയ്ക്ക്നന്നായി അറിയാം എന്ന സത്യം മാത്രം മതി എനിക്ക്. എല്ലാം അമ്മയുടെ പാദങ്ങളിൽസമർപ്പിച്ചുകൊണ്ട് ഞാൻ എപ്പോഴും ആറ്റുകാൽ അമ്മയുടെ ഒരു ഭക്തയായി തുടരും” – അന്നരാജൻ കുറിച്ചു.
കഴിഞ്ഞ ദിവസം ആറ്റുകാൽ പൊങ്കാല ഇടാനെത്തിയ നടിയുടെ വീഡിയോകൾ പല ആംഗിളുകളിൽനിന്നും പകർത്തി ബോഡി ഷെയിമിംഗ് നടത്തുന്ന രീതിയിൽ പ്രചരിപ്പിക്കപ്പെട്ടിരുന്നു. ഇതിനെതിരെസോഷ്യൽ മീഡിയയിൽ വലിയ വിമർശനം ഉയർന്ന പശ്ചാത്തലത്തിലാണ് താരത്തിൻ്റെ വിശദീകരണം.
