ഇന്ത്യയുടെ ഊർജ്ജ വിതരണ ശൃംഖലയ്ക്ക് ആശ്വാസമായി യുഎസിൽ നിന്ന് ദ്രവീകൃത പെട്രോളിയം വാതകത്തിന്റെ (എൽപിജി) പുതിയ ചരക്ക് കപ്പൽ ഇന്ത്യയിലെത്തി. ടെക്സസിലെ നെദർലാൻഡിൽ നിന്ന് എൽപിജി വഹിച്ചുകൊണ്ട് പൈക്സിസ് പയനീർ എന്ന ചരക്ക് കപ്പൽ ഞായറാഴ്ച രാവിലെ കർണാടകയിലെ ന്യൂ മംഗലാപുരം തുറമുഖത്ത് എത്തിച്ചേർന്നു. സംഭരണ സൗകര്യങ്ങളിലേക്ക് മാറ്റിയശേഷം ഈ എൽപിജി രാജ്യത്തിന്റെ വിവിധ ഭാഗങ്ങളിലേക്ക് വിതരണം ചെയ്യും.
തടസ്സമില്ലാത്ത ഇന്ധന വിതരണം ഉറപ്പാക്കുന്നതിനും പരമ്പരാഗത വിതരണക്കാരെ ആശ്രയിക്കുന്നത് കുറയ്ക്കുന്നതിനുമുള്ള കേന്ദ്രസർക്കാരിന്റെ ശ്രമങ്ങളുടെ ഫലമായാണ് ഇപ്പോൾ യുഎസിൽ നിന്നുള്ള ഇന്ധനം ഇന്ത്യയിലേക്ക് എത്തിച്ചേർന്നിരിക്കുന്നത്. കാര്യക്ഷമതയും സുരക്ഷയും ഉറപ്പാക്കുന്നതിനായി തുറമുഖത്ത് കൂടുതൽ ലോജിസ്റ്റിക്കൽ പ്രവർത്തനങ്ങൾ പുരോഗമിക്കുകയാണെന്ന് ന്യൂ മംഗലാപുരം തുറമുഖ അധികൃതർ അറിയിച്ചു. നേരത്തെ റഷ്യൻ അസംസ്കൃത എണ്ണയുമായി മറ്റൊരു കപ്പലും മംഗലാപുരത്ത് എത്തിച്ചേർന്നിരുന്നു.
