ആലപ്പുഴ : അമ്പലപ്പുഴയിൽ നടത്തിയ പ്രസംഗത്തിൽ ജി സുധാകരനെതിരെ കടുത്ത വിമർശനവുമായി പിണറായി വിജയൻ. ജി സുധാകരന്റെ പേര് പറയാതെ അവസരവാദിയെന്ന് പറഞ്ഞ് മുഖ്യമന്ത്രി വിമര്ശിച്ചു. അമ്പലപ്പുഴ ജനത എൽഡിഎഫിനെ നെഞ്ചിലേറ്റിയവരാണെന്നും പുന്നപ്ര രക്തസാക്ഷികളുടെ മണ്ണാണെന്നും പിണറായി ആലപ്പുഴയിലെ പ്രസംഗത്തിൽ സൂചിപ്പിച്ചു. അവസരവാദി ചരിത്രത്തിന്റെ ചെളിക്കുഴിയിലേക്ക് വീഴുമെന്നും പിണറായി വ്യക്തമാക്കി.
അമ്പലപ്പുഴയിലെ എൽഡിഎഫ് സ്ഥാനാര്ത്ഥി എച്ച് സലാമിന്റെ തെരഞ്ഞെടുപ്പ് പ്രചാരണ കണ്വെൻഷനിൽ സംസാരിക്കുകയായിരുന്നു മുഖ്യമന്ത്രി പിണറായി വിജയൻ. അവസരവാദിയും യുഡിഎഫും ചേർന്നു ബിജെപി വോട്ട് തേടുകയാണിപ്പോള് എന്നും അദ്ദേഹം കുറ്റപ്പെടുത്തി. വഞ്ചന കാണിച്ചവരെ അമ്പലപ്പുഴ എന്ന വിപ്ലവത്തിന്റെ നാട് ഒരിക്കലും പ്രോത്സാഹിപ്പിക്കുകയില്ല. എല്ലാ പ്രതിസന്ധിയിലും ഈ നാട് ഒന്നിച്ചു നിൽക്കും. യുഡിഎഫിന് വലിയ അങ്കലാപ്പുണ്ട്. കേരളത്തിൽ ബിജെപിക്ക് ഒരു സീറ്റും കിട്ടില്ല എന്നും പിണറായി സൂചിപ്പിച്ചു.
