ക്രിക്കറ്റ് ചരിത്രത്തിൽ മറ്റൊരു നായകനും അവകാശപ്പെടാനില്ലാത്ത ഒരു സവിശേഷതഎം.എസ്. ധോണിക്കുണ്ട്. നിലവിൽ ചെന്നൈ സൂപ്പർ കിംഗ്സിന്റെ (CSK) പരിശീലക സ്ഥാനത്തുള്ള പ്രമുഖരെല്ലാം ഒരുകാലത്ത് ധോണിയുടെ കീഴിൽ കളിച്ചവരാണ് എന്നതാണ് ആ റെക്കോർഡ്. തനിക്ക് പരിശീലനം നൽകുന്നവരെ തന്നെ ഒരുകാലത്ത് നയിച്ചു എന്നത് ധോണിയുടെ കരിയറിലെ കൗതുകകരമായ ഒന്നാണ്.
സ്റ്റീഫൻ ഫ്ലെമിംഗ് (ഹെഡ് കോച്ച്): ഐപിഎല്ലിന്റെ ആദ്യ സീസണിൽ (2008) സിഎസ്കെയുടെ ഓപ്പണിംഗ് ബാറ്ററായിരുന്നു ഫ്ലെമിംഗ്. അന്ന് ധോണിയുടെ കീഴിലാണ് അദ്ദേഹം കളിച്ചത്. തൊട്ടടുത്ത വർഷം മുതൽ അദ്ദേഹം ടീമിന്റെ പരിശീലകനായി ചുമതലയേറ്റു.
മൈക്കൽ ഹസി (ബാറ്റിംഗ് കോച്ച്): ‘മിസ്റ്റർ ക്രിക്കറ്റ്’ എന്ന് വിളിക്കപ്പെടുന്ന ഹസി സിഎസ്കെയുടെ വിശ്വസ്തനായ ബാറ്ററായിരുന്നു. സിഎസ്കെ കിരീടം നേടിയ സീസണുകളിൽ ധോണിക്ക് കീഴിൽ തകർപ്പൻ പ്രകടനം കാഴ്ചവെച്ച ഹസി ഇപ്പോൾ ടീമിന്റെ ബാറ്റിംഗ് പരിശീലകനാണ്.
ലക്ഷ്മിപതി ബാലാജി (മുൻ ബൗളിംഗ് കോച്ച്): ഐപിഎല്ലിലെ ആദ്യ ഹാട്രിക് നേടിയ ബാലാജി വർഷങ്ങളോളം ധോണിയുടെ വിശ്വസ്തനായ ബൗളറായിരുന്നു. പിന്നീട് അദ്ദേഹം ടീമിന്റെ ബൗളിംഗ് പരിശീലകനായും പ്രവർത്തിച്ചു.
