ജയ്പൂർ ; വ്യോമസേനയുടെ മിഗ്-21 യുദ്ധവിമാനം തകർന്ന് വിംഗ് കമാൻഡർ മരിച്ചു. രാജസ്ഥാനിലെ ജയ്സാൽമറിന് സമീപമാണ് സംഭവം .അപകടത്തിൽ പൈലറ്റ് ഹർഷിത് സിൻഹ മരിച്ചതായി വ്യോമസേന സ്ഥിരീകരിച്ചു.
“ഇന്ന് വൈകുന്നേരത്തെ വിമാനാപകടത്തിൽ വിങ് കമാൻഡർ ഹർഷിത് സിൻഹയുടെ വിയോഗം അഗാധമായ ദുഃഖത്തോടെ വ്യോമസേന അറിയിക്കുന്നു, ധീരഹൃദയന്റെ കുടുംബത്തോടൊപ്പം ഉറച്ചുനിൽക്കുന്നു,” വ്യോമസേന വക്താവ് പറഞ്ഞു.
സാം പോലീസ് സ്റ്റേഷന്റെ കീഴിലുള്ള ഡെസേർട്ട് നാഷണൽ പാർക്ക് ഏരിയയിലാണ് വിമാനം തകർന്നതെന്ന് ജയ്സാൽമീർ എസ്പി അജയ് സിംഗ് പറഞ്ഞു.
ഇന്ന് വൈകുന്നേരം, 8:30 ഓടെയാണ് പടിഞ്ഞാറൻ സെക്ടറിൽ പരിശീലന പരിപാടിക്കിടെ മിഗ് -21 വിമാനം അപകടത്തിൽ പെട്ടത് പൈലറ്റിനെ രക്ഷാപ്രവർത്തകർ കണ്ടെത്തിയെങ്കിലും, ഗുരുതരമായി പൊള്ളലേറ്റതിനാൽ രക്ഷിക്കാനായില്ല. സംഭവത്തിൽ കൂടുതൽ അന്വേഷണത്തിന് ഉത്തരവിട്ടിരിക്കുകയാണെന്നും ഐഎഎഫ് വക്താവ് പറഞ്ഞു.
Discussion about this post