പ്രതിപക്ഷ നേതാവ് പിണറായി വിജയൻ കഴിഞ്ഞ പത്ത് വർഷമായി ഉപയോഗിച്ചുവന്ന ഔദ്യോഗിക മൊബൈൽ നമ്പർ പൊതുഭരണ വകുപ്പ് റദ്ദാക്കി. മുഖ്യമന്ത്രിയായിരുന്ന കാലയളവിൽ അനുവദിച്ച നമ്പറാണ് മുൻകൂട്ടി അറിയിക്കാതെ കട്ട് ചെയ്തത്. ഇന്ന് രാവിലെ ഫോൺ ഉപയോഗിക്കുന്നതിനിടെയാണ് നമ്പർ പ്രവർത്തനരഹിതമായ വിവരം അദ്ദേഹം അറിയുന്നത്. ഔദ്യോഗിക കൃത്യനിർവ്വഹണത്തിനായി മുഖ്യമന്ത്രിമാർക്ക് നൽകുന്ന നമ്പറാണ് ഇതെന്ന് അധികൃതർ അറിയിച്ചു.
പ്രതിപക്ഷ നേതാവ് എന്ന നിലയിൽ അദ്ദേഹത്തിന് ഔദ്യോഗിക ഉപയോഗത്തിനായി മറ്റൊരു പുതിയ നമ്പർ ഉടൻ തന്നെ അനുവദിക്കുമെന്നാണ് വിവരം. ഇതുമായി ബന്ധപ്പെട്ട നടപടികൾ പൊതുഭരണ വകുപ്പ് സ്വീകരിച്ചേക്കും.
