അടിയന്തര ജാഗ്രതാ നിർദേശം പുറപ്പെടുവിച്ച് ഇന്ത്യൻ വിദേശകാര്യമന്ത്രാലയം ; ഇറാനിലുള്ളവർ എത്രയും പെട്ടെന്ന് രാജ്യം വിടണമെന്ന് നിർദ്ദേശം

ന്യൂഡൽഹി : പശ്ചിമേഷ്യൻ സംഘർഷം അതിരൂക്ഷമായ ഘട്ടത്തിലേക്ക് കടന്ന സാഹചര്യത്തിൽ അടിയന്തര ജാഗ്രതാ നിർദേശം പുറപ്പെടുവിച്ച് ഇന്ത്യൻ വിദേശകാര്യമന്ത്രാലയം. ഇന്ത്യൻ പൗരന്മാർ ഇറാനിലേക്കുള്ള എല്ലാ യാത്രകളും പൂർണ്ണമായും ഒഴിവാക്കണമെന്നും നിലവിൽ അവിടെയുള്ളവർ എത്രയും വേഗം ലഭ്യമായ യാത്രാമാർഗ്ഗങ്ങൾ ഉപയോഗിച്ച് രാജ്യം വിടണമെന്നും ടെഹ്‌റാനിലെ ഇന്ത്യൻ എംബസി അറിയിച്ചു. ഇസ്രായേലും ഇറാനും തമ്മിൽ നേരിട്ടുള്ള സൈനികാക്രമണങ്ങൾ ശക്തമായ സാഹചര്യത്തിലാണ് ഈ മുന്നറിയിപ്പ്.

ഇറാനിൽ തുടരുന്ന വിദ്യാർത്ഥികൾ, ബിസിനസ്സുകാർ, തീർത്ഥാടകർ, വിനോദസഞ്ചാരികൾ എന്നിവരുൾപ്പെടെയുള്ള എല്ലാ ഇന്ത്യൻ പൗരന്മാരും താഴെ പറയുന്ന സുരക്ഷാ മാനദണ്ഡങ്ങൾ പാലിക്കണമെന്ന് വിദേശകാര്യ മന്ത്രാലയം അറിയിച്ചു.
1. യാത്രാ രേഖകൾ സൂക്ഷിക്കുക : പാസ്‌പോർട്ട്, ഐഡന്റിറ്റി കാർഡുകൾ, ഇമിഗ്രേഷൻ രേഖകൾ എന്നിവ എപ്പോഴും കൈവശം കരുതുക.

Stories you may like

പാർലമെന്റിൽ ഏത് ചർച്ചയ്ക്കും തയ്യാർ, പക്ഷേ രാഹുലിന് താൽപര്യം സഭ തടസ്സപ്പെടുത്തുന്നതിൽ മാത്രം ; പ്രതിപക്ഷം ചർച്ചകളിൽ നിന്ന് ഒളിച്ചോടുകയാണെന്ന് അമിത് ഷാ

വിമാനത്തിൽനിന്നും കാറ്ററിംഗ് ട്രക്കിനുള്ളിൽ ഒളിച്ചുകടന്ന് ട്രംപ്; തുർക്കിയിൽ വെച്ച് ട്രംപിന് നേരെ ഇറാന്റെ വധശ്രമം; രക്ഷപ്പെട്ടത് നാടകീയ നീക്കങ്ങളിലൂടെ

2. ആശയവിനിമയം നിലനിർത്തുക : എംബസിയുമായി നിരന്തരം സമ്പർക്കം പുലർത്തുകയും പ്രാദേശിക മാധ്യമങ്ങളിലെ വാർത്തകൾ ശ്രദ്ധിക്കുകയും ചെയ്യുക.
3. പ്രതിഷേധ സ്ഥലങ്ങൾ ഒഴിവാക്കുക:
രാജ്യത്തിനകത്ത് നടക്കുന്ന പ്രതിഷേധ പ്രകടനങ്ങളിൽ നിന്നോ കൂട്ടം കൂടലുകളിൽ നിന്നോ പൂർണ്ണമായും വിട്ടുനിൽക്കുക.

4. രജിസ്ട്രേഷൻ: ഇതുവരെ എംബസിയിൽ പേര് രജിസ്റ്റർ ചെയ്യാത്തവർ ഔദ്യോഗിക വെബ്‌സൈറ്റ് വഴി ([https://www.meaers.com/request/home](https://www.meaers.com/request/home)) ഉടൻ തന്നെ വിവരങ്ങൾ സമർപ്പിക്കുക. ഇന്റർനെറ്റ് തടസ്സങ്ങൾ നേരിടുന്നുണ്ടെങ്കിൽ ഇന്ത്യയിലുള്ള ബന്ധുക്കൾ വഴി രജിസ്ട്രേഷൻ പൂർത്തിയാക്കാവുന്നതാണ്.
ഇറാനിലുള്ള ഇന്ത്യൻ പൗരന്മാർക്ക് ഏത് അടിയന്തര സാഹചര്യത്തിലും സഹായത്തിനായി ടെഹ്‌റാനിലെ ഇന്ത്യൻ എംബസിയെ താഴെ പറയുന്ന നമ്പറുകളിലും ഇമെയിൽ വഴിയും ബന്ധപ്പെടാം:
മൊബൈൽ നമ്പറുകൾ:
+98 912 810 9115
+98 912 810 9102
+98 912 810 9109
+98 993 217 9359
ഇമെയിൽ വിലാസം: [email protected]

ഇറാനിലെ പടിഞ്ഞാറൻ-മധ്യ മേഖലകളിലെ സൈനിക താവളങ്ങൾ ഇസ്രായേൽ വ്യോമാക്രമണത്തിൽ തകർന്നിരുന്നു. തെക്കുപടിഞ്ഞാറൻ മേഖലയിലെ തന്ത്രപ്രധാനമായ ‘മാഹ്ഷഹർ’ പെട്രോകെമിക്കൽ പ്ലാന്റിന് നേരെയും ഇസ്രായേൽ ശക്തമായ ആക്രമണം നടത്തി. പ്രത്യാക്രമണമായി ഇസ്രായേലിന്റെ രണ്ട് വ്യോമസേനാ താവളങ്ങൾക്ക് നേരെ തങ്ങൾ മിസൈൽ ആക്രമണം നടത്തിയതായി ഇറാന്റെ റവല്യൂഷണറി ഗാർഡ്സ് സ്ഥിരീകരിച്ചു. സുരക്ഷ മുൻനിർത്തി ഇറാന്റെ തലസ്ഥാനമായ ടെഹ്‌റാനിലെ മെഹ്‌റാബാദ് വിമാനത്താവളത്തിൽ നിന്നുള്ള സർവീസുകൾ താൽക്കാലികമായി നിർത്തിവെച്ചിരിക്കുകയാണ്.