മുഖ്യമന്ത്രി വിഡി സതീശനും സർക്കാരിനുമെതിരെ കടുത്ത ഭാഷയിൽ വിമർശനവുമായി എൻഎസ്എസ് ജനറൽ സെക്രട്ടറി ജി. സുകുമാരൻ നായർ. തനിക്ക് ഇനി ആരെയും കാണേണ്ടതില്ലെന്നും, മുഖ്യമന്ത്രി തന്നെ കാണുമെന്ന് പറയുന്നത് ഒരുപക്ഷേ ഫോട്ടോയിൽക്കൂടിയാവാം എന്നുമാണ് സുകുമാരൻ നായർ പരിഹാസത്തോടെ പ്രതികരിച്ചത്. പെരുന്നയിലെ എൻഎസ്എസ് ആസ്ഥാനത്തു മാധ്യമങ്ങളോട് സംസാരിക്കുമ്പോഴാണ് അദ്ദേഹം സർക്കാരിനെതിരെയും മുഖ്യമന്ത്രിയുടെ മുൻ നിലപാടുകൾക്കെതിരെയും ആഞ്ഞടിച്ചത്. സുകുമാരൻ നായർക്ക് കൂടിക്കാഴ്ചയ്ക്ക് അനുമതി നിഷേധിച്ചു എന്നതരത്തിൽ പ്രചരിക്കുന്ന വാർത്തകൾ തെറ്റാണെന്നും അദ്ദേഹവുമായി സംസാരിച്ചിരുന്നെന്നും മുഖ്യമന്ത്രി വാർത്താസമ്മേളനത്തിൽ പറഞ്ഞതിനുപിന്നാലെയാണ് പ്രതികരണം.
മുഖ്യമന്ത്രി തന്നെ കാണുമെന്ന് പറയുന്നത് ഇനി ഫോട്ടോയില് മാത്രമായിരിക്കും. ബജറ്റിന്റെ തിരക്കായതുകൊണ്ടാണ് കാണാന് കഴിയാതിരുന്നതെങ്കില് അന്ന് തന്നെ അതേക്കുറിച്ച് പറയാമായിരുന്നു. ഇപ്പോള് ന്യായീകരണം പറയുന്നതില് കാര്യമില്ലെന്നും സുകുമാരന് നായര് പറഞ്ഞു. നേരിട്ട് കണ്ട് താന് പറയാനിരുന്ന കാര്യം കഴിഞ്ഞുവെന്നും ഇപ്പോള് ന്യായീകരണം പറയുന്നതില് കാര്യമില്ലെന്നും സുകുമാരന് നായര് പറഞ്ഞു. തനിക്ക് ഇനി ആരേയും കാണേണ്ടതില്ലെന്നും അദ്ദേഹം വ്യക്തമാക്കി. മുഖ്യമന്ത്രിയുമായി കൂടിക്കാഴ്ച നടത്താന് എന്എസ്എസ് നേതൃത്വം അനുമതി തേടിയപ്പോള് മുഖ്യമന്ത്രിയുടെ ഓഫീസില് നിന്ന് തിരിച്ചുവിളിച്ചിരുന്നു. എന്നാല്, കാണാനുള്ള തീയതിയോ സമയമോ അറിയിച്ചില്ലെന്നും സുകുമാരന്നായര് പറഞ്ഞു.
