ന്യൂഡൽഹി: ഇന്ത്യയുടെ 80-ാം സ്വാതന്ത്ര്യദിന വാർഷികത്തിൽ പ്രധാനമന്ത്രി നരേന്ദ്ര മോദിക്കുംഇന്ത്യൻ ജനതയ്ക്കും ഊഷ്മളമായ ആശംസകൾ അറിയിച്ച് ഇറാൻ പ്രസിഡന്റ് മസൂദ്പെസഷ്കിയാൻ. ഇരു രാജ്യങ്ങളും തമ്മിലുള്ള ദീർഘകാല നയതന്ത്ര ബഹുമുഖ ബന്ധം കൂടുതൽശക്തമാക്കാനും മേഖലയിൽ തന്ത്രപ്രധാന സഹകരണം വർധിപ്പിക്കാനും തെഹ്റാൻസന്നദ്ധമാണെന്ന് സന്ദേശത്തിൽ അദ്ദേഹം വ്യക്തമാക്കി. ന്യൂഡൽഹിയിലെ ഇറാനിയൻ എംബസിമുഖേനയാണ് പ്രസിഡന്റ് പെസഷ്കിയാൻ ഔദ്യോഗിക സ്വാതന്ത്ര്യദിന ആശംസ നൽകിയത്.
നൂറ്റാണ്ടുകളായി ഇരു രാഷ്ട്രങ്ങൾക്കുമിടയിലുള്ള ചരിത്രപരവും സാംസ്കാരികവുമായആഴത്തിലുള്ള ബന്ധം ശോഭനമായ ഭാവിയിലേക്കുള്ള വലിയൊരു മുതൽകൂട്ടാണെന്ന് ഇറാൻപ്രസിഡന്റ് ചൂണ്ടിക്കാട്ടി. പരസ്പര വിശ്വസ്തതയും പൊതുതാൽപ്പര്യങ്ങളും മുൻനിർത്തിഇരുരാജ്യങ്ങൾക്കും ഗുണകരമാകുന്ന കൂടുതൽ സംയുക്ത പദ്ധതികൾക്ക് തുടക്കം കുറിക്കാൻഇറാൻ തയ്യാറാണെന്നും അദ്ദേഹം അറിയിച്ചു. ഇന്ത്യയുടെ വൻ കുതിപ്പിലും പുരോഗതിയിലുംസന്തോഷം പ്രകടിപ്പിച്ച അദ്ദേഹം, ഇരു രാഷ്ട്രങ്ങളുടെയും ജനങ്ങൾ തമ്മിലുള്ള സുദൃഢമായസാംസ്കാരിക വിനിമയത്തിന് പ്രത്യേകം ഊന്നൽ നൽകി.
ചാബഹാർ തുറമുഖ വികസനം ഉൾപ്പെടെ അന്താരാഷ്ട്ര വ്യാപാര-സമ്പദ്‌വ്യവസ്ഥയിൽഇന്ത്യയുമായുള്ള ബന്ധം സുപ്രധാനമായി കരുതുന്ന സാഹചര്യത്തിലാണ് ഇറാന്റെ ഭാഗത്തുനിന്നുള്ളഈ നിർണായക സന്ദേശം. റഷ്യൻ പ്രസിഡന്റ് വ്ലാഡിമിർ പുടിൻ, ഫ്രഞ്ച് പ്രസിഡന്റ് ഇമ്മാനുവൽമാക്രോൺ തുടങ്ങിയ ലോക നേതാക്കളും ഇന്ത്യയ്ക്ക് സ്വാതന്ത്ര്യദിനാശംസകൾ നേർന്നിരുന്നു. 80-ാം സ്വാതന്ത്ര്യദിനാഘോഷത്തിന്റെ ഭാഗമായി ഇറാന്റെ ഭാഗത്തുനിന്നുണ്ടായ ഈ സൗഹൃദനീക്കം ആഗോള നയതന്ത്ര തലത്തിൽ വലിയ പ്രാധാന്യത്തോടെയാണ് നിരീക്ഷിക്കപ്പെടുന്നത്.
