പ്രതിപക്ഷ മുന്നണിയായ എൽ.ഡി.എഫിൽ നടക്കുന്നത് പരസ്യമായ കലാപവും പരസ്പരമുള്ള ചെളിയെറിയലുമാണെന്ന് മുഖ്യമന്ത്രി വി.ഡി. സതീശൻ. സി.പി.എമ്മും സി.പി.ഐയും തമ്മിൽ പരസ്പരം ആരോപണങ്ങൾ ഉന്നയിക്കുന്ന സാഹചര്യം ഭരണപക്ഷമായ യു.ഡി.എഫ് പുറത്തുനിന്ന് ആസ്വദിക്കുകയാണെന്നും അദ്ദേഹം മാധ്യമങ്ങളോട് വ്യക്തമാക്കി.
സി.പി.എമ്മിനുള്ളിൽ നേതൃത്വത്തിനെതിരെ അതിശക്തമായ പ്രതിഷേധമാണ് നിലവിലുള്ളത്. കേന്ദ്രകമ്മിറ്റി അംഗീകരിച്ച നിലപാടുകൾ പോലും നടപ്പിലാക്കാതെ നേതാക്കൾ പരസ്പരം പോരടിക്കുകയാണ്. മുന്നണിയിലെ ഈ തകർച്ച യു.ഡി.എഫ് കേവലം പുറത്തുനിന്ന് നോക്കിക്കാണുകയാണെന്നും, ഇതിന്റെ പേരിൽ മറ്റു രാഷ്ട്രീയ തീരുമാനങ്ങളിലേക്കൊന്നും കടന്നിട്ടില്ലെന്നും മുഖ്യമന്ത്രി ചൂണ്ടിക്കാട്ടി.
അതേസമയം, സി.പി.ഐയെ യു.ഡി.എഫിലേക്ക് മുസ്ലിം ലീഗ് ഔദ്യോഗികമായി ക്ഷണിച്ചിട്ടില്ലെന്നും ഇക്കാര്യത്തിൽ സർക്കാരോ മുന്നണിയോ പ്രത്യേക നിലപാടുകൾ എടുത്തിട്ടില്ലെന്നും അദ്ദേഹം കൂട്ടിച്ചേർത്തു.
