ഇന്ത്യയ്ക്കെതിരായ പരമ്പരയുടെ പ്രൊമോഷൻ വീഡിയോയിൽ പാക് അധീന കാശ്മീരും ഗിൽഗിത്-ബാൾട്ടിസ്ഥാനും ഇന്ത്യയുടെ ഭാഗമായി ഉൾപ്പെടുത്തിയതിനെ തുടർന്ന് അഫ്ഗാനിസ്ഥാൻ ക്രിക്കറ്റ് ബോർഡും പാകിസ്ഥാനും തമ്മിൽ പുതിയ നയതന്ത്ര തർക്കത്തിന് കളമൊരുങ്ങി. ഡൽഹിയിൽ നടക്കുന്ന ഇന്ത്യ-അഫ്ഗാനിസ്ഥാൻ മൂന്ന് മത്സരങ്ങളുടെ പരമ്പരയ്ക്ക് ദിവസങ്ങൾ മാത്രം ബാക്കിനിൽക്കെ ഞായറാഴ്ചയാണ് എസിബി തങ്ങളുടെ ഔദ്യോഗിക എക്സ് അക്കൗണ്ടിൽ ഈ പ്രൊമോ വീഡിയോ പങ്കുവെച്ചത്.
അതിർത്തി സുരക്ഷാ പ്രശ്നങ്ങളെ തുടർന്ന് കാബൂളും ഇസ്ലാമാബാദും തമ്മിലുള്ള ബന്ധം ഇതിനകം വഷളായിരിക്കുന്നതിനിടയിലാണ് പുതിയ വിവാദം തലപൊക്കിയിരിക്കുന്നത്. പാകിസ്ഥാന്റെ പ്രാദേശിക താല്പര്യങ്ങളെ വകവെക്കാതെ സ്വതന്ത്രമായ വിദേശനയം കാത്തുസൂക്ഷിക്കാനുള്ള കാബൂളിന്റെ വ്യക്തമായ സൂചനയായാണ് കായിക ലോകത്തെ ഈ നീക്കത്തെ വിദഗ്ധർ വിലയിരുത്തുന്നത്.
ആഴത്തിലുള്ള ചരിത്രവും സംസ്കാരവും പങ്കിടുന്ന രണ്ട് രാജ്യങ്ങൾ തമ്മിലുള്ള പരമ്പരയാണിതെന്ന് പ്രൊമോ വീഡിയോ പങ്കുവെച്ചുകൊണ്ട് എസിബി വ്യക്തമാക്കിയിരുന്നു. സെപ്റ്റംബർ 13, 15, 17 തീയതികളിൽ ന്യൂഡൽഹിയിലെ അരുൺ ജെയ്റ്റ്ലി ക്രിക്കറ്റ് സ്റ്റേഡിയത്തിലാണ് ഇന്ത്യയും അഫ്ഗാനിസ്ഥാനും തമ്മിലുള്ള മത്സരങ്ങൾ നടക്കുന്നത്.
A series the nation has been eagerly awaiting. 🤩
A series that will once again bring together two nations with deep-rooted history, culture, and a shared passion for the game.🤜🤛
These are more than just matches. They are encounters of passion, excitement, and significance,… pic.twitter.com/Q8h7MYX1yf
— Afghanistan Cricket Board (@ACBofficials) September 6, 2026
