പതിനാറു മാസം മുൻപ് ഓപ്പറേഷൻ സിന്ദൂരിന്റെ ഭാഗമായി ഇന്ത്യൻ വ്യോമസേന ആക്രമിച്ച പാകിസ്ഥാൻ വ്യോമസേനാ താവളമായ സർഗോഡയിലെ റൺവേയിൽ വീണ്ടും അറ്റകുറ്റപ്പണികൾ പുനരാരംഭിച്ചു. ലാഹോറിന് വടക്കുപടിഞ്ഞാറായി ഏകദേശം 172 കിലോമീറ്റർ അകലെ സ്ഥിതി ചെയ്യുന്ന പാക് വ്യോമസേനാ ബേസിലെ റൺവേയിലും ടാക്സി ട്രാക്കിലുമാണ് ഉപഗ്രഹ ചിത്രങ്ങളിൽ പുതിയ നിർമ്മാണ പ്രവർത്തനങ്ങൾ വ്യക്തമായിരിക്കുന്നത്.
2025 മെയ് 10-നാണ് ബ്രഹ്മോസ് മിസൈലുകൾ ഉപയോഗിച്ച് ഇന്ത്യൻ വ്യോമസേന ഈ പ്രധാന റൺവേയിൽ കൃത്യമായ ആക്രമണം നടത്തിയത്. ആക്രമണത്തിൽ റൺവേയിൽ രൂപപ്പെട്ട 8-9 മീറ്റർ വീതിയും 4-5 മീറ്റർ ആഴവുമുള്ള കുഴികൾ ആദ്യഘട്ടത്തിൽ താൽക്കാലികമായി അടച്ചിരുന്നെങ്കിലും, ആ ഭാഗത്ത് വീണ്ടും ഘടനാപരമായ തകരാറുകൾ ഉണ്ടായതിനെത്തുടർന്നാണ് ഇപ്പോൾ പൂർണ്ണമായ പുനർനിർമ്മാണം നടക്കുന്നത്.
കഴിഞ്ഞ സെപ്റ്റംബർ 12-ന് എടുത്ത വാന്റർ ഉപഗ്രഹ ചിത്രങ്ങൾ പ്രകാരം, റൺവേയുടെ ഒരു ഭാഗത്ത് പുതിയതായി ഖെണ്ണൽ ജോലികളും റീസർഫേസിംഗും നടക്കുന്നത് വ്യക്തമാണ്. അന്നത്തെ ഓപ്പറേഷനിൽ സർഗോഡയിലെ സർഗോഡ ബേസിന് പുറമേ പത്ത് പാകിസ്ഥാൻ വ്യോമസേനാ താവളങ്ങളും റഡാറുകളും വ്യോമ പ്രതിരോധ യൂണിറ്റുകളും ഇന്ത്യൻ വ്യോമസേന ലക്ഷ്യമിട്ടിരുന്നു. ആക്രമണത്തിന് ശേഷം അന്ന് പാകിസ്ഥാൻ ഡയറക്ടർ ജനറൽ ഓഫ് മിലിട്ടറി ഓപ്പറേഷൻസ് ഇന്ത്യൻ കൗണ്ടർപാർട്ടുമായി ബന്ധപ്പെടുകയും വെടിനിർത്തൽ പ്രഖ്യാപിക്കുകയും ചെയ്യുകയായിരുന്നു. പരിക്കേറ്റ റൺവേ ഇപ്പോഴും പൂർണ്ണമായി പ്രവർത്തനക്ഷമമാക്കാൻ പാകിസ്ഥാൻ പാടുപെടുന്നത് ഇന്ത്യൻ വ്യോമസേനയുടെ കൃത്യതയേറിയ ആക്രമണങ്ങളുടെ വിജയമായാണ് പ്രതിരോധ വിദഗ്ധർ വിലയിരുത്തുന്നത്.
