ഇസ്ലാമാബാദിൽ നടന്ന പ്രസിഡന്റ്‌‌സ് ട്രോഫി ഗ്രേഡ്-1 മത്സരത്തിനിടെ ആരാധകരുമായി തർക്കത്തിലേർപ്പെട്ട് പാകിസ്താൻ താരം ബാബർ അസം. സ്റ്റേറ്റ് ബാങ്ക് ഓഫ് പാകിസ്താനെതിരായ മത്സരത്തിൽ ഓയിൽ ആൻഡ് ഗ്യാസ് ഡെവലപ്‌മെന്റ് കമ്പനി ലിമിറ്റഡിനായി ഫീൽഡ് ചെയ്യുന്നതിനിടെ സുരക്ഷാവലയം ഭേദിച്ച് ഗ്രൗണ്ടിലിറങ്ങിയ ആരാധകരിൽ ഒരാൾ സെൽഫിയെടുക്കാൻ ശ്രമിച്ചതാണ് ബാബറിനെ പ്രകോപിപ്പിച്ചത്.
തുടക്കത്തിൽ ആരാധകനെ പിടിച്ചുതള്ളിയ ബാബർ, പിന്നാലെ എത്തിയ മറ്റൊരു ആരാധകന്റെ കൈയിലെ ഫോൺ വാങ്ങി ദേഷ്യത്തോടെ നിലത്തേക്ക് എറിയുകയായിരുന്നു. 39 പന്തിൽ 21 റൺസെടുത്ത് പുറത്തായി പവലിയനിലേക്ക് മടങ്ങുമ്പോഴും കാണികൾ ഗ്രൗണ്ടിലിറങ്ങി താരത്തെ വളഞ്ഞത് രംഗം കൂടുതൽ വഷളാക്കി. ഏഴ് വർഷത്തെ ഇടവേളയ്ക്ക് ശേഷം ഫസ്റ്റ് ക്ലാസ് ക്രിക്കറ്റിലേക്ക് തിരിച്ചെത്തിയ ബാബറിനെ കാണാൻ വലിയ ജനക്കൂട്ടമാണ് എത്തുന്നതെങ്കിലും, തുടർച്ചയായ സുരക്ഷാ വീഴ്ചകളെ തുടർന്ന് ഇസ്ലാമാബാദ് പോലീസ് ഗ്രൗണ്ടിൽ സുരക്ഷ ശക്തമാക്കിയിട്ടുണ്ട്.
Babar Azam throws a fan’s phone in anger after being asked for a selfie. 🤯 pic.twitter.com/UYtEt5yhMp
— Sheri. (@CallMeSheri1_) September 30, 2026
