ന്യൂഡൽഹി: തിരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് പ്രതിപക്ഷ പ്രതിഷേധം തുടരുന്നതിനിടയിൽ കോൺഗ്രസ് നേതാവ് രാഹുൽ ഗാന്ധിയുടെവിദേശയാത്ര വിവാദത്തിൽ. വിയറ്റ്നാമിലേക്കുള്ള വിമാനത്തിനുള്ളിൽ രാഹുൽ ഗാന്ധിഇരിക്കുന്നതിന്റെ ദൃശ്യങ്ങൾ ബിജെപിയുടെ ഔദ്യോഗിക സോഷ്യൽ മീഡിയ അക്കൗണ്ടുകൾപുറത്തുവിട്ടു. വിമാനത്തിലെ യാത്രക്കാരിലൊരാൾ പകർത്തിയ വീഡിയോ ആണ് ഇപ്പോൾസമൂഹമാധ്യമങ്ങളിൽ വ്യാപകമായി പ്രചരിക്കുന്നത്.
വിമാനത്തിലെ ബിസിനസ് ക്ലാസിൽ യാത്രാവേളയിൽ ശാന്തനായി ഇരിക്കുന്ന രാഹുൽ ഗാന്ധിയുടെദൃശ്യങ്ങൾ പങ്കുവെച്ചുകൊണ്ട് രൂക്ഷമായ പരിഹാസമാണ് ബിജെപി ഉയർത്തിയിരിക്കുന്നത്. “കള്ളംപറഞ്ഞ് പറഞ്ഞ് ക്ഷീണിച്ചു, ഇനി വിയറ്റ്നാമിൽ ഒന്ന് കറങ്ങി വരാം” എന്ന കുറിപ്പോടെയാണ്ബിജെപി ഐടി സെൽ ഈ ദൃശ്യങ്ങൾ പങ്കുവെച്ചിട്ടുള്ളത്. രാജ്യത്ത് നിർണായകമായ രാഷ്ട്രീയപോരാട്ടങ്ങളും പ്രതിഷേധങ്ങളും നടക്കുമ്പോൾ മുതിർന്ന കോൺഗ്രസ് നേതാവ് വിദേശത്തേക്ക്പോയത് ഭരണപക്ഷം ആയുധമാക്കിക്കഴിഞ്ഞു.
എന്നാൽ, രാഹുൽ ഗാന്ധിയുടെ ഈ വിദേശയാത്രയുടെ ലക്ഷ്യമെന്താണെന്നോ ഏത്ആവശ്യത്തിനാണ് പോയതെന്നോ ഉള്ള വിവരങ്ങൾ കോൺഗ്രസ് നേതൃത്വം ഇതുവരെഔദ്യോഗികമായി പുറത്തുവിട്ടിട്ടില്ല. കോൺഗ്രസ് വക്താക്കളാരും തന്നെ യാത്രയെക്കുറിച്ച്പ്രതികരിക്കാൻ തയാറായിട്ടില്ലാത്തത് രാഷ്ട്രീയ കേന്ദ്രങ്ങളിൽ കൂടുതൽ ചർച്ചകൾക്ക്വഴിവെച്ചിട്ടുണ്ട്. കോൺഗ്രസ് നയിക്കുന്ന പ്രതിഷേധങ്ങൾക്ക് മുന്നിൽ നിൽക്കേണ്ട സമയത്ത്രാഹുൽ ഗാന്ധി വിദേശത്തേക്ക് ഒളിച്ചോടിയെന്നാണ് ബിജെപിയുടെ പ്രധാന ആരോപണം. യാത്രാദൃശ്യങ്ങൾ പുറത്തുവന്നതോടെ കോൺഗ്രസ്-ബിജെപി വാക്പോര് കൂടുതൽമുറുകിയിരിക്കുകയാണ്.
