ഇന്ത്യയുടെ ആദ്യ ബുള്ളറ്റ് ട്രെയിന് 2024ല് ഓടിത്തുടങ്ങും. മുംബൈ-അഹമ്മദാബാദ് പാതയുടെ നിര്മാണം അടുത്ത വര്ഷം തുടങ്ങി 2023ല് പൂര്ത്തിയാക്കാനുള്ള പദ്ധതിക്ക് അന്തിമ രൂപമായി.
രാജ്യത്തിന്റെ നാലു കോണുകളിലെ സുപ്രധാന നഗരങ്ങളെ ബന്ധിപ്പിക്കുന്ന പദ്ധതിയാണിത്. ഡല്ഹി-ചണ്ഡീഗഡ്-അമൃത്സര്, ചെന്നൈ-ബെംഗളൂരു-മൈസൂരു അതിവേഗ പാതകളും സമാന്തരമായി വികസിപ്പിക്കും.ഡല്ഹി-മുംബൈ-ചെന്നൈ-കൊല്ക്കത്ത വജ്ര ചതുഷ്കോണ അതിവേഗ പാത റെയില്വേയുടെ സജീവ പരിഗണനയില്.
ജപ്പാന് രാജ്യാന്തര സഹകരണ ഏജന്സി (ജൈക്ക) പദ്ധതി ചിലവിന്റെ 80% വഹിക്കും. 70,000 കോടി രൂപയാണ് നിര്മാണം തുടങ്ങുമ്പോള് ചിലവാകുന്ന തുകയായി കണക്കാക്കിയിരിക്കുന്നത് എന്നാല് പദ്ധതി പൂര്ത്തിയാകുമ്പോള് 98,000 കോടി രൂപ ചിലവാകുമെന്നാണ് കണക്കാക്കുന്നത്. 50 വര്ഷത്തെ കാലാവധിയിലാണ് ജൈക്ക പണം നല്കുന്നത് 0.1% പലിശയാണ് ജൈക്ക ഈടക്കുന്നത്. മുംബൈയില് നിന്നും അഹമ്മദാബദിലേക്കുള്ള 500 കിലോമീറ്റര് ഓടിയെത്താന് രണ്ട് മുതല് മൂന്ന് മണിക്കൂര് വരെ മാത്രം സമയം മതിയാകും. 350 കിലോമീറ്ററായിരിക്കും ട്രെയിനിന്റെ പരമാവതി വേഗത.
വിമാന യാത്രയോളം തന്നെ ചിലവ് ബുള്ളറ്റ് ട്രെയിനിലും വരും. എന്നാല് വിമാനയാത്രക്ക് ചിലാവുകുന്ന ചെക്ക്ഇന് പോലുള്ള സമയം ലാഭിക്കാം. ആധുനിക സൗകര്യങ്ങളാണ് ബുള്ളറ്റ് ട്രെയിനില് ലഭ്യമാകുന്നത്.
Discussion about this post