സുഷമയ്ക്ക് പ്രവാസി ഇന്ത്യക്കാരിയുടെ ട്വീറ്റ്; ദിവസങ്ങള്‍ക്കുള്ളില്‍ പാസ്‌പോര്‍ട്ട് പുതുക്കി ഓസ്‌ട്രേലിയയില്‍ എത്തിച്ചു

ഡല്‍ഹി: പ്രവാസി ഇന്ത്യന്‍ പൗരയ്ക്ക് വീണ്ടും സഹായഹസ്തവുമായി വിദേശകാര്യമന്ത്രി സുഷമാ സ്വരാജ്. ഓസ്‌ട്രേലിയയിലുള്ള യുവതിയുടെ പാസ്‌പോര്‍ട്ട് സംബന്ധിച്ച പരാതിയിലാണ് സുഷമ ഇത്തവണ ഇടപെട്ടത്. സിഡ്‌നിയില്‍ താമസിക്കുന്ന നേഹയ്ക്ക്, ഗുരതരാവസ്ഥയില്‍ ഇന്ത്യയില്‍ ആശുപത്രിയില്‍ കഴിയുന്ന പിതാവിനെ സന്ദര്‍ശിക്കാന്‍ തടസം നേരിട്ടു.

പാസ്‌പോര്‍ട്ടിന്റെ കാലാവധി കഴിഞ്ഞതിനെത്തുടര്‍ന്നായിരുന്നു ഇത്. പിന്നീട് യുവതി സുഷമാ സ്വരാജുമായി ട്വിറ്ററില്‍ ബന്ധപ്പെട്ടു. സിഡ്‌നിയിലെ ഇന്ത്യന്‍ എംബസി ഓഫിസിലെത്തി പാസ്‌പോര്‍ട്ട് ശേഖരിക്കാനുള്ള സുഷമയുടെ നിര്‍ദേശമാണ് നേഹയ്ക്ക് കിട്ടുന്നത്. ഈ ഒരു സന്ദേശം മാത്രമേ സുഷമ നേഹയ്ക്ക് നല്‍കിയുള്ളൂ. അടുത്തിടെ നിരവധി പ്രവാസികള്‍ അവരുടെ പ്രശ്‌നങ്ങള്‍ ട്വീറ്റ് ചെയ്യുകയും സുഷമാ സ്വരാജ് അത് പരിഹരിക്കുകയും ചെയ്തിരുന്നു.

Neha – Please go to @cgisydney and collect your Passport. I wish your father an early recovery. @leendacuevas

— Sushma Swaraj (@SushmaSwaraj) June 7, 2016