കര്‍ണാടക മുഖ്യമന്ത്രി സിദ്ധരാമയ്യയുടെ വാഹനവ്യൂഹം കടന്നു പോകാന്‍ ഗതാഗതം അരമണിക്കൂറോളം തടഞ്ഞതിനെ തുടര്‍ന്ന് സ്ത്രീ മരിച്ചതായുള്ള വാര്‍ത്തകള്‍ സോഷ്യല്‍ മീഡിയകളില്‍ വ്യാപകമായി പ്രചരിക്കുന്നു. വീഡിയൊ സഹിതമാണ് ഫേസ്ബുക്കിലും മറ്റുമുള്ള പോസ്റ്റ്. എന്നാല്‍ ഗതാഗതം തടസ്സപ്പെടുത്തിയത് മൂലം ആരും മരിച്ചിട്ടില്ല എന്നാണ് പോലിസിന്റെ വിശദീകരണം.
ഹോസ്‌കോട്ടിന് സമീപം ചികബലാപ്പൂര്‍-ചിന്താമണി ഹൈവെയില്‍ സിദ്ധരാമയ്യയുടെ വാഹനവ്യൂഹം കടന്ന് പോകുന്നതിനായി റോഡ് തടസ്സപ്പെടുത്തിയെന്നും, ബ്ലോകില്‍ പെട്ട ആംബുലന്‍സില്‍ ഉണ്ടായിരുന്ന വൃദ്ധയായ സ്ത്രീ മരിച്ചുവെന്നും വൈറലാകുന്ന പോസ്റ്റില്‍ പറയുന്നു. സ്ത്രീയുടെ മകന്‍ പോലിസിനോട് ആംബുലന്‍സ് കടത്തിവിടാന്‍ അഭ്യര്‍ത്ഥിക്കുന്നത് പോസ്റ്റിനൊപ്പമുള്ള വീഡിയൊവില്‍ ഉണ്ട്. എന്നാല്‍ പോലിസ് ഈ അഭ്യര്‍ത്ഥന തള്ളികളഞ്ഞു. കുറച്ച് പേര്‍ ബാരിക്കേഡ് നീക്കാന്‍ ശ്രമിക്കുന്നുണ്ടെങ്കിലും പോലിസ് അത് തടഞ്ഞു.
മുഖ്യമന്ത്രിയുടെ വഹാനം കടന്ന് പോയ ശേഷമാണ് ആംബുലന്‍സ് കടത്തിവിട്ടത്. അവശയായ സ്ത്രീയെ വേഗത്തില്‍ പിന്നീട് ആശുപത്രിയില്‍ എത്തിച്ചുവെങ്കിലും മരിച്ചുവെന്ന് റിപ്പോര്‍ട്ടില്‍ പറയുന്നു.
ഒരു മകന്‍ അമ്മയുടെ ജീവന് വേണ്ടി കരഞ്ഞു പറഞ്ഞു..കടത്തി വിടൂ ഈ അമ്പുലന്‍സ്..എന്ന്. അത് അല്‍പം മാനുഷീതകയുടെയെങ്കിലും പേരില്‍ കേട്ടിരുന്നെങ്കില്‍ ഒരു ജീവന് രക്ഷിക്കാമായിരുന്നു’ സംഭവം തന്റെ ഫോണില്‍ പകര്‍ത്തിയ ചന്ദ്രു എസ് എന്ന യുവാവ് പറഞ്ഞു.
അതേസമയം നവീന്‍ എന്ന് പേരുള്ള യുവാവാണ് ആംബുലന്‍സില്‍ ഉണ്ടായിരുന്നതെന്നും, ഇയാള്‍ക്ക് സീരിയസായി ഒന്നുമുണ്ടായിരുന്നില്ലെന്നും മുതിര്‍ന്ന പോലിസ് ഉദ്യോഗസ്ഥര്‍ വിശദീകരിക്കുന്നു. എന്നാല്‍ സ്ത്രീ കൊല്ലപ്പെട്ട സംഭവത്തില്‍ അ്‌ന്വേഷണം നടത്തണമെന്നും മുഖ്യമന്ത്രിക്കെതിരെ കേസെടുക്കണമെന്നും സോഷ്യല്‍ മീഡിയകളില്‍ ആവശ്യമുയര്‍ന്നു.
വീഡിയൊ-
https://www.youtube.com/watch?v=mA-sJuYjPwA
Discussion about this post