കൊച്ചി: സ്ത്രീയെ ആക്രമിച്ച അഭിഭാഷകനെതിരെ വാര്ത്ത നല്കിയ മാധ്യമപ്രവര്ത്തകരെ ആക്രമിച്ചത് ന്യായീകരിക്കാവുന്ന കാര്യമല്ലെന്ന് സിപിഐ അനുകൂല ഇടത്പക്ഷ അഭിഭാഷക സംഘടന നേതാവായ അഡ്വക്കറ്റ് എ ജയശങ്കര് പ്രതികരിച്ചു.അഭിഭാഷകരുടെ അക്രമത്തെ ന്യായീകരിക്കുന്നില്ല. ചീഫ് ജസ്റ്റിസ് വിഷയത്തില് ഇടപെടുമെന്നാണ് കരുതുന്നത്.
അഭിഭാഷകരുമായി മാധ്യമപ്രവര്ത്തകരുമായി ഏറ്റമുട്ടലുണ്ടാക്കുന്നത് കേരള ഹൈക്കോടതി ചരിത്രത്തില് തന്നെ ആദ്യത്തെ സംഭവമാണ്. ഡല്ഹിയിലും, മദ്രാസ് ഹൈക്കോടതിയിലും നടന്നത് പോലുള്ള സംഭവങ്ങളാണ് ഇപ്പോള് ഇവിടെ നടക്കുന്നത്. ഇത് ഒരു തരത്തിലും ന്യായീകരിക്കാവുന്നതല്ലെന്നും അദ്ദേഹം പ്രതികരിച്ചു. ഹൈക്കോടതിയ്ക്ക് മുമ്പില് കുത്തിയിരിപ്പ് സമരം നടത്തിയ മാധ്യമപ്രവര്ത്തകര്ക്ക് നേരെ ഒരു സംഘം അഭിഭാഷകര് നാണയ തുട്ടുകള് വലിച്ചെറിയുകയും, കാര് ഓടിച്ച് കയറ്റുകയുമായിരുന്നു. ചാനല് ജീവനക്കാര്ക്ക് നേരെ അഭിഭാഷകര് ആക്രമം നടത്തുകയും ചെയ്തു.
അഭിഭാഷകനെതിരെ കള്ളക്കേസ് എടുത്തുവെന്നാരോപിച്ച് പോലിസിനെതിരെയും ഒരും സംഘം അഭിഭാഷകര് രംഗത്തെത്തിയിരുന്നു. വിഷയത്തില് ബാര് അസോസിയേഷനെ ആരോപണ വിധേയനായ അഭിഭാഷകനും കൂട്ടാളികളും വലിച്ചിടുകയായിരുന്നുവെന്ന ആക്ഷേപം ഒരു വിഭാഗം അഭിഭാഷകര്ക്കുണ്ട്. അവര് ഇത്തരം പ്രതിഷേധങ്ങളില് നിന്ന് വിട്ടുനില്ക്കുകയാണ്. ഇത്തരമൊരും സംഭവത്തില് അഭിഭാഷകര് ഗുണ്ടായിസം കാണിക്കുന്നത് അഭിഭാഷകര്ക്ക് തന്നെ അപമാനമെയെന്ന വിമര്ശനവും ഉയര്ന്നിട്ടുണ്ട്.
Discussion about this post