ലക്‌നൗ: ദേശീയപാതയിലെ കൂട്ടബലാത്സംഗങ്ങള്‍ തുടര്‍ക്കഥയാകുന്ന ഉത്തര്‍പ്രദേശില്‍ ബലാത്സംഗവീഡിയോകള്‍ 50 മുതല്‍ 150 രൂപ വിലയ്ക്ക് വ്യാപകമായി വില്‍ക്കപ്പെടുന്നുവെന്ന് ഒരു ദേശീയ മാധ്യമത്തിന്റെ റിപ്പോര്‍ട്ട്. പോലീസ്, ഭരണകൂട ആസ്ഥാനങ്ങളുടെ സമീപപ്രദേശങ്ങളില്‍ വരെ ഈ കച്ചവടം പൊടിപൊടിക്കുന്നതായാണ് അന്വേഷണത്തില്‍ കണ്ടെത്തിയത്.
‘പോണ്‍ സിനിമകളുടെ കാലം കഴിഞ്ഞു, യഥാര്‍ഥ രംഗങ്ങള്‍ കാണാനാണ് ആളുകള്‍ക്ക് ഇപ്പോള്‍ താല്‍പര്യം’ ആഗ്രയിലെ ഒരു വീഡിയോ കച്ചവടക്കാരന്‍ പറയുന്നു. വിശ്വസ്തരോടൊപ്പം എത്തുന്നവര്‍ക്കുമാത്രമേ ഇവര്‍ ക്ലിപ്പുകള്‍ നല്‍കാറുള്ളൂ. സ്മാര്‍ട്ട്‌ഫോണിലും പെന്‍ഡ്രൈവിലുമാക്കിയാണ് നല്‍കാറ്.
ബലാത്സംഗ കേസുകളിലെ കുറ്റവാളികളില്‍ ഒട്ടുമിക്കവരും രംഗങ്ങള്‍ മൊബൈല്‍ഫോണില്‍ പകര്‍ത്താറുണ്ടെന്ന് ആഗ്ര സിറ്റി എസ്.പി. ഖുലെ സുശീല്‍ ചന്ദ്രഭാന്‍ പറയുന്നു. വീഡിയോ കാണിച്ച് സംഭവം പുറത്തുപറയരുതെന്ന് ഇരയെ ഭീഷണിപ്പെടുത്തുന്നു. പലരും ഇവ ഇന്റര്‍നെറ്റില്‍ അപ്‌ലോഡ് ചെയ്യാറുമുണ്ട്. ഇങ്ങനെ പ്രചരിക്കുന്നവയാണ് വില്‍ക്കപ്പെടുന്നവയില്‍ ബഹുഭൂരിപക്ഷവും. താജ്ഗഞ്ച്, സദാര്‍ പ്രദേശങ്ങളില്‍ കഴിഞ്ഞ ദിവസം പോലീസ് പരിശോധന നടത്തിയതായും വീഡിയോകള്‍ പിടിച്ചെടുത്തതായും അദ്ദേഹം അറിയിച്ചു.
Discussion about this post