തിരുവനന്തപുരം: സി.പി.എം വ്യാപകമായി അക്രമം അഴിച്ചുവിടുന്ന പശ്ചാത്തലത്തില് പരാതി സിറ്റിംഗ് ജഡ്ജിയെ കൊണ്ട് അന്വേഷിപ്പിക്കണമെന്ന ആവശ്യവുമായി ബി.ജെ.പി എം.പിമാര് ഗവര്ണര് പി. സദാശിവത്തെ സന്ദര്ശിച്ചു. രാവിലെ 10 മണിക്ക് രാജ്ഭവനിലെത്തിയ സംഘം കണ്ണൂരിലെ അക്രമങ്ങളില് ആശങ്ക അറിയിച്ചു. എം.പിമാരായ ഭൂപേന്ദ്ര യാദവ്, മീനാക്ഷി ലേഖി, നന്ദകുമാര് ഹെഗ്ഡെ, നളിന്കുമാര് കട്ടേര്, റിച്ചാര്ഡ് ഹേ, സുരേഷ് ഗോപി, ബി.ജെ.പി സംസ്ഥാന അധ്യക്ഷന് കുമ്മനം രാജശേഖരന് എന്നിവരാണ് കൂടിക്കാഴ്ചയില് പങ്കെടുത്തത്.
കേരളത്തില് ചുവപ്പ് ഭീകരതയാണ് നടക്കുന്നതെന്ന് മീനാക്ഷി ലേഖി എംപി മാധ്യമങ്ങളോട് പ്രതികരിച്ചു. സംസ്ഥാനത്തെ സിപിഐഎം ആക്രമണങ്ങളെ കുറിച്ച് സിബിഐയോ സിറ്റിംഗ് ജഡ്ജിയോ അന്വേഷിക്കണമെന്ന് ബിജെപി ദേശീയ സെക്രട്ടറി ഭൂപേന്ദ്ര യാദവ് പറഞ്ഞു.
നാടന് ബോംബ് ആക്രമണം നടന്ന ബി.ജെ.പി സംസ്ഥാന കമ്മിറ്റി ഓഫീസും കണ്ണൂര് ജില്ലയിലെ പാര്ട്ടി പ്രവര്ത്തകരുടെ വീടുകളും എം.പിമാരുടെ സംഘം നേരത്തെ സന്ദര്ശിച്ചിരുന്നു. ആഭ്യന്തര സെക്രട്ടറി, ഡി.ജി.പി എന്നിവരുമായി കൂടിക്കാഴ്ച നടത്തിയ ശേഷം സംഘം മടങ്ങും.
Discussion about this post