തിരുവനന്തപുരം: ബന്ധു നിയമന വിവാദവും തുടര്ന്നുണ്ടായ ഇപി ജയരാജന്റെ രാജിയും അനുബന്ധ സംഭവങ്ങളുമെല്ലാം അവസാനിക്കും മുമ്പേ, നിയമസഭാ സമ്മേളനം ഇന്ന് പുനരാരംഭിക്കും. ഇ.പി.ജയരാജന്റെ രാജിയില് വിവാദം തീരില്ലെന്ന കടുത്ത നിലപാടിലാണ് പ്രതിപക്ഷം. നിയമനങ്ങള് മുഖ്യമന്ത്രി പിണറായിയുടെ അറിവില്ലാതെ നടക്കില്ലെന്നുള്ള ആരോപണം പ്രബലമാണെന്ന് റിപ്പോര്ട്ടുകള് സൂചിപ്പിക്കുന്നു.
പൊതുമേഖലാസ്ഥാപനങ്ങളിലെ മറ്റ് വിവാദ നിയമനങ്ങള് ആരോപണശരങ്ങളാക്കി പ്രതിപക്ഷം സഭയെ പ്രക്ഷുബ്ധമാക്കും. എന്നാല് സഭയില് ബന്ധു നിയമന വിഷയം ഉയരട്ടെ എന്നാണ് മുഖ്യമന്ത്രിയുടെ നിലപാട്. അന്വേഷണം വന്നപ്പോള് തന്നെ രാജി വെച്ച ഇപി ജയരാജന്റെ മാതൃക പ്രതിപക്ഷത്തിന് മുന്നില് അവതരിപ്പിക്കാനുള്ള തയ്യാറെടുപ്പിലാണ് ഭരണപക്ഷം. കണ്ണൂര് കൊലപാതകങ്ങള് ഉള്പടെയുള്ള രാഷ്ട്രീയ അക്രമങ്ങളും സഭയില് ചൂടേറിയ ചര്ച്ചയാവും. അക്രമം അമര്ച്ച ചെയ്യാനും ക്രമസമാധാനനില ഉറപ്പാക്കാനും സര്ക്കാര് പരാജയപ്പെട്ടുവെന്ന ആരോപണവും പ്രതിപക്ഷം ഉയര്ത്തും.
Discussion about this post