ഡല്‍ഹി: എന്‍.ഡി.ടി.വി ഹിന്ദി ചാനല്‍ ഒരു ദിവത്തേക്ക് വിലക്കാനുളള സര്‍ക്കാര്‍ തീരുമാനത്തനെതിരായി വന്ന പ്രതികരണങ്ങളെല്ലാം തരാഷ്ട്രീയപ്രേരിതമാണെന്ന് കേന്ദ്രമന്ത്രി വെങ്കയ്യ നായിഡു.
യു.പി.എ സര്‍ക്കാരി?െന്റ ഭരണക്കാലത്ത് 21 വ്യത്യസ്ത സംഭവങ്ങളിലായി നിരവധി ടി.വി ചാനലുകളെ സര്‍ക്കാര്‍ വിലക്കുകയുണ്ടായി. ഒരു ദിവസം മുതല്‍ രണ്ട് മാസം വരെ ഇത്തരത്തില്‍ യു.പി.എ സര്‍ക്കാര്‍ ചാനലുകളെ വിലക്കി. രാജ്യസുരക്ഷയെ ബാധിക്കുന്ന ദ്യശ്യങ്ങള്‍ സംപ്രേഷണം ചെയ്തതിനാലാണ് എന്‍.ഡി.ടി.വിയെ സര്‍ക്കാര്‍ വിലക്കാനായി തീരുമാനിച്ചതെന്നും അദ്ദേഹം പറഞ്ഞു.
പത്താന്‍കോട്ട് ഭീകരാക്രമണത്തി?െന്റ തല്‍സമയ സംപ്രഷണത്തിനിടക്ക് രാജ്യസുരക്ഷയെ ബാധിക്കുന്ന തരത്തില്‍ റിപ്പോര്‍ട്ട് ചെയ്തതിനാണ് എന്‍.ഡി.ടി.വിയെ ഒരു ദിവസത്തേക്ക് വിലക്കാന്‍ സര്‍ക്കാര്‍ തീരുമാനിച്ചതെന്നും അദ്ദേഹം കൂട്ടിച്ചേര്‍ത്തു.
എന്‍.ഡി.ടി.വിക്കെതിരായ നടപടി പുതിയതായി ഉണ്ടാക്കിയ നിയമത്തിെന്റ അടിസ്?ഥാത്തിലുള്ളതല്ല. 26/11 മുംബൈ ഭീകരാക്രമണത്തി?െന്റ പശ്ചാത്തലത്തില്‍ ഇത്തരം സംഭവങ്ങളില്‍ ചാനലുകള്‍ക്കെതിരെ നടപടിയെടുക്കുന്നതിനെ കുറിച്ച് വിവിധ എജന്‍സികള്‍ സര്‍ക്കാരിന് ശുപാര്‍ശ സമര്‍പ്പിച്ചിരുന്നു വെങ്കയ്യ നായിഡു പറഞ്ഞു.
ഉത്തരവാദിത്തപ്പെട്ട സംഘടനയാണ് എഡിറ്റേഴ്‌സ് ഗില്‍ഡ്. 1995ലെ കേബിള്‍ ടി.വി റെഗുലേഷന്‍ ആക്ട് അനുസരിച്ച് രാജ്യത്തിന്റെ ഐക്യത്തിനും അഖണ്ഡതക്കും ഭീഷണിയാവുന്ന ചാനല്‍ പരിപാടികള്‍ സര്‍ക്കാറിന് നിരോധിക്കാവുന്നതാണ്. ന്യുനപക്ഷമായ ഒരു ചെറു വിഭാഗം ജനങ്ങള്‍ മാത്രമാണ് സര്‍ക്കാറിനെ വിമര്‍ശിക്കുന്നതെന്നും അദ്ദേഹം കൂട്ടിച്ചേര്‍ത്തു.
Discussion about this post