ഡല്‍ഹി: പാകിസ്ഥാന്‍ ഭീകരര്‍ അഖിനൂരില്‍ നടത്തിയതാണ് യഥാര്‍ഥ മിന്നലാക്രമണമെന്ന് മുംബൈ ഭീകരാക്രമണ കേസിലെ സൂത്രധാരന്‍ ഹാഫിസ് സെയ്ദ്. കശ്മീരിലെ അഖിനൂര്‍ ജനറല്‍ റിസേര്‍വ് എഞ്ചിനീയറിങ് ഫോഴ്‌സ് ക്യാമ്പ് ആക്രമണത്തിന്റെ ഉത്തരവാദിത്വം ഏറ്റെടുത്തുകൊണ്ട് പുറത്തുവിട്ട ഓഡിയോ സന്ദേശത്തിലാണ് ഹാഫിസ് സെയ്ദിന്റെ അവകാശവാദം.
ക്യാമ്പിനുള്ളില്‍ കടന്ന യുവാക്കള്‍ ഇന്ത്യന്‍ സേനയുടെ 10 ട്രൂപ്പുകളെ വധിച്ചു. അവര്‍ സുരക്ഷിതരായി തിരികെ എത്തുകയും ചെയ്തു. ഇതാണ് യഥാര്‍ഥ സര്‍ജിക്കല്‍ ആക്രമണം. ഓഡിയോ സന്ദേശത്തില്‍ ഹാഫിസ് സെയ്ദ് പറഞ്ഞതായി ദേശീയ മാധ്യമങ്ങള്‍ റിപ്പോര്‍ട്ട് ചെയ്തു.
ഇന്ത്യന്‍ സേന പാക് അധിനിവേശ കശ്മീരില്‍ നടത്തിയ മിന്നലാക്രമണത്തിന് പ്രധാനമന്ത്രി നരേന്ദ്രമോദിക്കുള്ള മറുപടിയാണിതെന്നും സെയ്ദ് പറഞ്ഞു.
മോദി മിന്നലാക്രമണത്തെക്കുറിച്ച് സംസാരിക്കുന്നു. നവാസ് ഷെരീഫ് മോദിക്ക് മറുപടി നല്‍കിയില്ല. ഞാന്‍ മോദിക്ക് മറുപടി നല്‍കുന്നു. സര്‍ജിക്കല്‍ ആക്രമണം വെറും നാടകമാണെന്ന് പറഞ്ഞ സെയ്ദ് 30 ഇന്ത്യന്‍ സൈനികര്‍ കൊല്ലപ്പെട്ടിരുന്നതായും പറഞ്ഞു.
അഖിനൂരില്‍ ജനുവരി 9ന് ഭീകരര്‍ നടത്തിയ ആക്രമണത്തില്‍ ക്യാമ്പില്‍ തൊഴിലാളികളായി ജോലി ചെയ്യുന്ന 3 സാധാരണ പൗരന്മാര്‍ കൊല്ലപ്പെട്ടിരുന്നു.
Discussion about this post