നടന് ജയം രവിയുടെ വിവാഹമോചനം വലിയ വാര്ത്തയായിരുന്നു. താന് ഭാര്യ ആരതിയുമായുള്ള 15 വര്ഷത്തെ ദാമ്പത്യജീവിതം അവസാനിപ്പിച്ചുവെന്നും വളരെയധികം വേദനയോടെ എടുത്ത തീരുമാനമാണ് ഇതെന്നുമാണ് ‘എക്സി’ല് പങ്കുവെച്ച കുറിപ്പിലൂടെ ജയം രവി വ്യക്തമാക്കിയത്. എന്നാല് ഇതിനുപിന്നാലെ വിവാഹമോചന വാര്ത്ത പുറത്തുവിട്ടത് തന്റെ അറിവോ സമ്മതമോ ഇല്ലാതെയാണെന്ന വ്യക്തമാക്കി ആരതിയും രംഗത്ത് വരികയും ചെയ്തു. കഴിഞ്ഞ 18 വര്ഷമായി പരസ്പര വിശ്വാസത്തോടെയും ബഹുമാനത്തോടെയും ജീവിച്ചെങ്കിലും ജയം രവിയുടെ പ്രസ്താവനയോടെ അന്തസ്സും വ്യക്തിത്വവും നഷ്ടപ്പെട്ടതായി തനിക്ക് തോന്നുന്നുവെന്നും ആരതി എഴുതുകയുണ്ടായി. വളരെ നാളുകളായി ഇരുവരും തമ്മില് അകന്നു കഴിയുകയായിരുന്നു.
ഇപ്പോഴിതാ ആരതിയില്നിന്ന് തന്റെ സോഷ്യല് മീഡിയ അക്കൗണ്ടുകളുടെ ആക്സസ് വീണ്ടെടുത്തിരിക്കുകയാണ് ജയം രവി. ഭാര്യയ്ക്കും മക്കള്ക്കുമൊപ്പമുള്ള ചിത്രങ്ങള് സോഷ്യല് മീഡിയ അക്കൗണ്ടുകളില്നിന്നു നടന് നീക്കം ചെയ്തു. ചെന്നൈയിലെ അഡയാര് പൊലീസ് സ്റ്റേഷനില് ആരതിക്കെതിരെ ജയം രവി പരാതി നല്കിയതായും റിപ്പോര്ട്ടുകള് പുറത്തുവന്നിട്ടുണ്ട്.
വീട്ടില്നിന്നു തന്നെ പുറത്താക്കിയതായി അദ്ദേഹം ആരോപിക്കുന്നു. ഇ.സി.ആര്. റോഡിലെ ആര്തിയുടെ വസതിയില്നിന്ന് തന്റെ സാധനങ്ങള് വീണ്ടെടുക്കാന് സഹായിക്കണമെന്ന് ജയം രവി തന്റെ പരാതിയില് പൊലീസിനോട് അഭ്യര്ഥിച്ചു.
അതേസമയം, വൈകാതെ തന്നെ ആരതിക്കെതിരെ തന്റെ കുട്ടികളുടെ കസ്റ്റഡിയ്ക്കായി നിമയപോരാട്ടത്തിന് ഇറങ്ങുമെന്ന് ജയം രവി മാധ്യമങ്ങളോട് വ്യക്തമാക്കിയിട്ടുണ്ട്. പത്തല്ല, ഇരുപത് വര്ഷം എടുത്തിട്ടാണെങ്കിലും മക്കളുടെ കസ്റ്റഡി നേടുമെന്നാണ് അദ്ദേഹം വ്യക്തമാക്കിയത്.
Discussion about this post