ലക്നൗ: ഉത്തര്പ്രദേശില് അറസ്റ്റിലായ മലയാളികളായ പോപ്പുലര് ഫ്രണ്ട് പ്രവര്ത്തകര്ക്ക് ബംഗ്ലാദേശ് ഭീകര സംഘടനയുമായി ബന്ധമെന്ന് യു പി പൊലീസ്. സ്ഫോടക വസ്തുക്കള് ലഭിച്ചത് ബംഗ്ലാദേശി ഭീകര സംഘടനയായ ജമാത്ത് ഉള് മുജാഹീദ്ദീന് വഴിയെന്നാണ് കണ്ടെത്തല്. ഇവര്ക്കൊപ്പം ഉത്തര്പ്രദേശില് പ്രവര്ത്തിക്കുന്ന അഞ്ച് പേരെ തിരിച്ചറിഞ്ഞെന്നാണ് പൊലീസ് പറയുന്നത്. അറസ്റ്റിലായ രണ്ടുപേര്ക്കുമെതിരെ കേരളത്തില് കേസുകളുണ്ട്.
ബസന്ത പഞ്ചമി ദിനത്തില് യു പിയില് ഉടനീളം ഇവര് സ്ഫോടനങ്ങള്ക്ക് ലക്ഷ്യമിട്ടിരുന്നു. കണ്ടെത്തിയതില് പതിനാറ് തരം സ്ഫോടക വസ്തുക്കളുണ്ടെന്ന് പൊലീസ് നേരത്തെ തന്നെ വ്യക്തമാക്കിയിരുന്നു. മാസങ്ങള്ക്ക് മുമ്പ് ഇവര് ബംഗ്ലാദേശ് സന്ദര്ശിച്ചെന്നും ഇന്ത്യയില് സ്ഫോടനങ്ങള് നടത്താന് സംഘടനയുടെ സഹായം തേടിയെന്നും പ്രതികള് ചോദ്യം ചെയ്യലില് സമ്മതിച്ചെന്ന് ഭീകരവിരുദ്ധ സേന വ്യക്തമാക്കി.
ജെസ്നയുടെ തിരോധാനം: അന്വേഷണം സിബിഐയ്ക്ക് കൈമാറി ഹൈക്കോടതി
അതേസമയം, പിടിയിലായ പ്രവര്ത്തകര് നിരപരാധികളാണെന്നാണ് പോപ്പുലര് ഫ്രണ്ട് പറയുന്നത്. ഇരുവരും സംഘടനാ വിപുലീകരണ ചുമതലയുമായി ബീഹാര്, പശ്ചിമ ബംഗാള് സംസ്ഥാനങ്ങളിലേക്ക് നിയോഗിക്കപ്പെട്ടവരാണ് എന്നുമാണ് ഇവരുടെ പക്ഷം.
Discussion about this post