ഇടുക്കി: മുല്ലപ്പെരിയാര് അണക്കെട്ട് നാളെ രാവിലെ തന്നെ തുറക്കുമെന്ന് മന്ത്രി റോഷി അഗസ്റ്റിന്. തമിഴ്നാട് രണ്ട് തവണ മുന്നറിയിപ്പ് നല്കി. അണക്കെട്ടിലെ ജലനിരപ്പ് 138 അടിയായി നിലനിര്ത്തുന്നതിനുള്ള വെള്ളം മാത്രമേ പുറത്തേക്ക് ഒഴുക്കിവിടൂ. 3000 ഘനയടി വെള്ളം ഒഴുക്കുമെന്നാണ് കരുതുന്നതെന്നും മന്ത്രി പറഞ്ഞു.
മുല്ലപ്പെരിയാര് അണക്കെട്ട് തുറന്നാല് ഇടുക്കി അണക്കെട്ടും തുറക്കേണ്ടി വരുമെന്ന് വൈദ്യുതി ബോര്ഡ് അറിയിച്ചു. മുല്ലപ്പെരിയാര് തുറക്കുമ്പോള് എത്തുന്ന അധികജലം ഒഴുക്കികളയുന്നതിനായി വെള്ളിയാഴ്ച വൈകിട്ട് നാലിനോ മറ്റന്നാള് രാവിലെയോ ഇടുക്കി ഡാമിന്റെ ഒരു ഷട്ടര് തുറന്നേക്കും. ഇതിന് മുന്കൂര് അനുമതി നല്കി. ഇപ്പോള് ഇടുക്കിയിലെ ജലനിരപ്പ് 2398.28 അടി ആണ്.
മുല്ലപ്പെരിയാര് അണക്കെട്ടില് നിന്ന് തമിഴ്നാട് സെക്കന്ഡില് 3000 ഘനയടി വെള്ളമായിരിക്കും ഒഴുക്കുക. ഡാം തുറന്നാലും പെരിയാറിലെ ജലനിരപ്പ് അപകടപരിധി കടക്കില്ലെന്ന് മന്ത്രി റോഷി അഗസ്റ്റിന് പറഞ്ഞു.
ഡാമിന്റെ പരിസരത്തുള്ള 350 കുടുംബങ്ങളെ ക്യാംപുകളിലേക്കും ബന്ധുവീടുകളിലേക്കും മാറ്റിയതായും മന്ത്രി പറഞ്ഞു.
Discussion about this post