ബിജു മേനോന് നായകനായ സ്വര്ണ്ണക്കടുവ എന്ന സിനിമയുടെ പേര് കേട്ടപ്പോള് സ്വര്ണ്ണക്കടുവ വെറും ഭാവനയല്ല, ശരിക്കുമുള്ള കടുവ തന്നെയാണെന്ന് എത്രപേര്ക്ക് അറിയുമായിരുന്നു. അതേ, സ്വര്ണ്ണക്കടുവ യഥാര്ത്ഥത്തില് ഉണ്ട്. വളരെ അപൂര്വ്വമായി മാത്രം കണ്ടുവരുന്ന ഗോള്ഡന് ടൈഡര്, ഗോള്ഡന് ടാബി ടൈഗര് എന്നെല്ലാം അറിയപ്പെടുന്ന സ്വര്ണ്ണക്കടുവയെ വീണ്ടും അസമിലെ കാസിരംഗ ദേശീയോദ്യാനത്തില് കണ്ടു. മൂന്നുവര്ഷത്തിനിടെ ഇതാദ്യമായാണ് ഇവിടെ സ്വര്ണ്ണക്കടുവയെ കാണുന്നത്. ജനിതകമായ പ്രത്യേകതകള് കൊണ്ട് സാധാരണ കടുവയുടെ നിറത്തില് നിന്നും വ്യത്യസ്തമായ നിറമുള്ളവയാണ് സ്വര്ണ്ണക്കടുവകള്.
അപൂര്വ്വമായി മാത്രം കണ്ടുവരുന്ന സ്വര്ണ്ണക്കടുവയെ ഇന്ത്യയില് കണ്ടെത്തിയെന്ന വിവരം നോര്വേയില് നിന്നുള്ള നയതന്ത്രജ്ഞനായ എറിക് സോള്ഫീം വീഡിയോ സഹിതം ട്വിറ്ററില് പങ്കുവെച്ചു. ഇന്ത്യയില് നിന്ന് ഒരു സന്തോഷവാര്ത്തയെന്ന അടിക്കുറിപ്പോടെയാണ് അദ്ദേഹം വാര്ത്ത പങ്കുവെച്ചിരിക്കുന്നത്. ഇതിന് മുമ്പ് 2020ലാണ് സ്വര്ണ്ണക്കടുവയെ കാസിരംഗയില് കണ്ടിട്ടുള്ളതെന്നും അദ്ദേഹം വ്യക്തമാക്കുന്നുണ്ട്. ലോകത്ത് ആകെ മുപ്പതില് താഴെ സ്വര്ണ്ണക്കടുവകള് മാത്രമേയുള്ളൂവെന്നാണ് അനുമാനം.
Incredible India 🇮🇳! A good news!
This is the first time for this year 2023, Golden Tiger ( fewer than 30 in the world) sighting .
They’re very rare and founded in Kaziranga last time in 2020.@zubinashara
— Erik Solheim (@ErikSolheim) March 6, 2023
മൂന്ന് വര്ഷങ്ങള്ക്ക് ശേഷം കാസിരംഗയില് വീണ്ടും കണ്ട സ്വര്ണ്ണക്കടുവയുടെ ചിത്രം ക്യാമറയില് പകര്ത്തിയത് വന്യജീവി ഫോട്ടോഗ്രാഫറായ മയൂരേഷ് ഹെന്ഡ്രെ ആണ്. ഇത് പെണ്കടുവയാണെന്നും കാസി 106-എഫ് എന്നാണ് പേരെന്നും അദ്ദേഹം വ്യക്തമാക്കിയിട്ടുണ്ട്. കടുവയുടെ ചിത്രം പിന്നീട് ഐഎഫ്എസ് ഉദ്യോഗസ്ഥനായ പര്വീണ് കസ്വാനും പങ്കുവെച്ചിരുന്നു.
Discussion about this post