കൊച്ചി : സ്ത്രീത്വത്തെ അപമാനിച്ചുവെന്ന കേസിൽ നടൻ ഉണ്ണി മുകുന്ദന് ആശ്വാസം. കേസിലെ തുടർനടപടികൾ ഹൈക്കോടതി സ്റ്റേ ചെയ്തു. കേസ് റദ്ദാക്കണമെന്ന് ആവശ്യപ്പെട്ട് ഉണ്ണി മുകുന്ദൻ നൽകിയ ഹർജിയിലാണ് നടപടി.
പരാതിക്കാരിയുമായി ചർച്ചകൾ നടത്തി ഒത്തുതീർപ്പായെന്ന് ഉണ്ണി മുകുന്ദൻ കോടതിയെ അറിയിച്ചു. തുടർന്നാണ് കോടതി സ്റ്റേ ചെയ്തത്. ജസ്റ്റിസ് കെ ബാബുവാണ് കേസ് പരിഗണിച്ചത്.
2017 ലാണ് കേസിനാസ്പദമായ സംഭവം. തിരക്കഥാ ചർച്ചയുമായുമായി ബന്ധപ്പെട്ട് കാണാനെത്തിയ യുവതിയോട് അപമര്യാദയായി പെരുമാറിയെന്ന് ആരോപിച്ചായിരുന്നു കേസ്. 2018 ലാണ് കോട്ടയം സ്വദേശിയായ യുവതി എറണാകുളം ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയിൽ പരാതി നൽകിയത്.
Discussion about this post